Nasionale Konserwatiewe Party

Die Nasionale Konserwatiewe Party (NKP) was die derde afstigting van die Verenigde Party ná die party die verkiesing in 1948 teen die Nasionale Party verloor.

Ná afloop van die parlementsitting van 1953 word vyf V.P.-lede, waaronder Abraham Jonker en Bailey Bekker, uit die party geskors omdat hulle die party gekritiseer het vir sy hantering van die Kleurlingstemreg-vraagstuk. Hulle het gereken die V.P. moes 'n kompromis met die regering probeer bereik het en was dus lede van die party se regtervleuel, wat ongelukkig was omdat die party al linkser begin neig het onder adv. J.G.N. Strauss. Hulle wou graag sien dat die bruin kiesers op 'n aparte kiesersrol ingesluit word.

Aan die begin van die 1954-parlementsitting het twee lede hulle by die geskorste lede aangesluit en aan die einde van die jaar het hulle die Nasionale Konserwatiewe Party gestig.

Die party het niks uitgerig nie en ontbind op 23 Januarie 1957. Drie L.P.'s sluit later by die N.P. aan, een keer terug na die V.P., twee verdwyn van die politieke toneel. Die enigste leier van die party was Bailey Bekker, L.V. vir Johannesburg-Noord.