Bailey Bekker

Bailey Bekker (? - Kaapstad, 14 Mei 1989) was 'n Suid-Afrikaanse polituks, eertydse lid van die uitvoerende komitee van Transvaal belas met onderwys en later Volksraadslid vir Johannesburg-Noord en die enigste leier van die Nasionale Konserwatiewe Party.

Ná afloop van die Parlementsitting van 1953 is vyf lede van die Verenigde Party uit die party geskors omdat hulle die party gekritiseer het vir sy hantering van die Kleurlingstemreg-vraagstuk. Hulle het gereken die V.P. moes 'n kompromis met die regering probeer bereik het. Aan die begin van die 1954-parlementsitting het twee lede hulle by die geskorste lede aangesluit en aan die einde van die jaar het hulle die Nasionale Konserwatiewe Party gestig. Die party het niks uitgerig nie en ontbind op 23 Januarie 1957, sonder dat hy aan 'n algemene verkiesing deelgeneem het. Drie L.P.'s sluit later by die N.P. aan, een keer terug na die V.P. en twee verdwyn van die politieke toneel.

Hy het uit die politiek getree en hom op sy wynplaas by Stellenbosch gaan vestig. In 1980 verhuis hy en sy vrou na die Kaapse voorstad Kenilworth. Bekker is oorleef deur sy vrou, Babette, 'n dogter en twee seuns en sewe kleinkinders. Die begrafnis is op 16 Mei 1989 vanuit die Kongregasionalistiese gemeente in Seepunt gehou.

Bronne

• Mostert, J.P.C., Politieke Partye in Suid-Afrika, Instituut vir Eietydse Geskiedenis, U.O.V.S., Bloemfontein, 1986.
• "Bailey Bekker (80) oorlede", Die Burger, 15 Mei 1989.