Natuurfotografie

Natuurfotografie is dié tak van fotografie wat spesialiseer in die fotografeer van die natuur. Die fotograwe is gespesialiseer in die maak van foto's van landskappe, diere, plante en nabyskote van natuurlike tonele en teksture.

'n Natuurfotograaf aan die werk.

Dissiplines wysig

Natuurfotografie bestaan uit verskillende vertakkings, en meeste natuurfotograwe spesialiseer in 'n bepaalde onderdeel.

Die mees beoefendes is:

  • landskapfotografie
  • makrofotografie
  • onderwaterfotografie
  • wildlewe- en voëlfotografie
 
'n Voëltjie kyk in 'n kameralens

Daar is verskillende strominge binne natuurfotografie wat die inhoudelike vul. Eén groep wil die werklikheid so akkuraat as moontlik vertoon (registratiewe fotografie), en sien natuurfotografie hoofsaaklik as van illustratiewe en wetenskaplike belang. Ander probeer weer om deur middel van hul werk, soveel moontlik van die groter publiek oortuig van die skoonheid van die natuur.

Natuurfotografie se rol word dikwels onderskat. Dié fotografievorm vereis baie geduld en afgesien van koue sowel as warm temperature, verg dit heelwat liggaamlike vermoeiing, voorbereiding, tegniese kennis van die materiaal en randapparatuur (rekenaarkennis, geologie en ekologie, GPS en navigasie, kartografie, literatuur en biologie) en ook groot belegging in materiaal. Die opbrengs mag egter beperk wees, en die aanbod is wêreldwyd groot en die afsetmark maar klein. Die meeste natuurfotograwe is dan ook fanatieke amateurs, wat baie toegewyd is aan hul stokperdjie.