Neil Patrick Harris
Neil Patrick Harris (gebore op 15 Junie 1973)[1] is ’n Amerikaanse akteur, vervaardiger, komediant en TV-aanbieder. Hy is veral bekend vir sy rol as Barney Stinson in die TV-komediereeks How I Met Your Mother (2005–2014), waarvoor hy vir vier Emmys benoem is, en vir sy rol as die titelkarakter in Doogie Howser, M.D. (1989–1993).
| Neil Patrick Harris | |
.jpg)
| |
Harris in Julie 2013.
| |
| Geboorte | 15 Junie 1973 |
|---|---|
| Aktiewe jare | 1988-tans |
Loopbaan
wysigHarris het sy loopbaan as ’n kinderakteur begin en is op ’n dramakamp deur die dramaturg Mark Medoff ontdek.[2] Medoff het hom later in die 1988-dramaprent Clara's Heart laat speel saam met Whoopi Goldberg. Hy is vir ’n Golden Globe benoem vir sy spel.
Sy eerste rol as volwassene was in Animal Room (1995), hoewel hy ’n tiener vertolk het. Hy het daarna byspelerrolle gehad in onder meer The Next Best Thing, Undercover Brother en Starship Troopers. In 2010 het hy die hoofrol gespeel in die onafhanklike komedie The Best and the Brightest.[3] Van sy ander prente sluit in The Smurfs (2011) en The Smurfs 2 (2013), asook Gone Girl (2014) saam met Ben Affleck.
Op 22 Februarie 2015 was Harris die aanbieder van die 87ste Oscar-toekenningsaand; hy was die eerste openlik gay man wat dit doen.[4][5] Hy het al verskeie prysaande aangebied, onder meer die Tonys (2009, 2011, 2012 en 2013), waarvoor hy verskeie spesiale Emmys gewen het,[6] en die Emmys (2009 en 2013).
Harris is in 2010 gelys as een van die tydskrif Time se 100 invloedrykste mense.[7]In 2014 was hy in die titelrol van die musiekspel Hedwig and the Angry Inch op Broadway, waarvoor hy ’n Tony gewen het.
Persoonlike lewe
wysigHarris het in November 2006 openlik erken hy is gay en is in September 2014 met sy lewensmaat van 10 jaar, David Burtka, getroud.[8][9][10] Die paartjie het ’n tweeling, Gideon Scott en Harper Grace, aan wie ’n surrogaatma op 12 Oktober 2010 die lewe geskenk het.[11]
Verwysings
wysig- ↑ "Neil Patrick Harris profile" (in Engels). TVGuide.com. Geargiveer vanaf die oorspronklike op 2 April 2015. Besoek op 5 Maart 2015.
- ↑ "Anytime with Bob Kushell feat. Neil Patrick Harris". Anytime with Bob Kushell. 1 Januarie 2009. No. 3, season 1.
- ↑ "Neil Patrick Harris Lands Two Film Roles". TVguide.com (in Engels). Geargiveer vanaf die oorspronklike op 7 Oktober 2014. Besoek op 8 Junie 2009.
- ↑ Staff. "Neil Patrick Harris wows as Oscars host". Mobi.iafrica.com. Geargiveer vanaf die oorspronklike op 23 Februarie 2015. Besoek op 23 Februarie 2015.
- ↑ Gray, Tim (15 Oktober 2014). "Neil Patrick Harris to Host the Oscars". Variety (in Engels). Geargiveer vanaf die oorspronklike op 8 Desember 2019. Besoek op 15 Oktober 2014.
- ↑ Mark Kennedy, AP Drama Writer (10 Junie 2013). "Neil Patrick Harris once again proves a Tony Awards host with 'fantastic instincts'". Minneapolis Star Tribune (in Engels). Geargiveer vanaf die oorspronklike op 16 Maart 2015. Besoek op 10 Junie 2013.
- ↑ "The 2010 Time 100". Time. Geargiveer vanaf die oorspronklike op 25 Augustus 2013. Besoek op 2 Oktober 2010.
- ↑ "They're married! Neil Patrick Harris weds partner of 10 years David Burtka during intimate ceremony in Italy" (in Engels). Dailymail. Geargiveer vanaf die oorspronklike op 31 Desember 2016.
- ↑ "Neil Patrick Harris dishes about his wedding day" (in Engels). CBS News. Geargiveer vanaf die oorspronklike op 5 Maart 2020.
- ↑ "Neil Patrick Harris Marries David Burtka" (in Engels). People. Geargiveer vanaf die oorspronklike op 4 Mei 2018. Besoek op 5 November 2015.
- ↑ Hartenstein, Meena (15 Augustus 2010). "Neil Patrick Harris to be dad to twins with fiancé David Burtka, actor announces on Twitter". New York Daily News (in Engels). Geargiveer vanaf die oorspronklike op 18 Augustus 2010. Besoek op 16 Augustus 2010.
Eksterne skakels
wysig- Neil Patrick Harris in die Internet-rolprentdatabasis
- Neil Patrick Harris in die Internet-Broadway-databasis
Wikimedia Commons het meer media in die kategorie Neil Patrick Harris.
Hierdie artikel is vertaal uit die Engelse Wikipedia
