Night and Day (Woolf-roman)
Night and Day is 'n roman deur Virginia Woolf geskryf wat die eerste keer in 1919 gepubliseer is. Dit speel af in Londen gedurende die Edwardiaanse tydperk, en kontrasteer die daaglikse lewens en romantiese verbintenisse van twee karakters, Katharine Hilbery en Mary Datchet, met mekaar. Anders as in Woolf se volgende romans, soos bv. To the Lighthouse, word hierdie roman se dialoog en aksie in ewewig met die karakters se interne gedagtes en waarnemings ontwikkel. Daar is belangrike feministiese temas wat in Night and Day ondersoek word, soos vrouestemreg, die Britse samelewing se verwagting dat vroumense moet trou (en dat dit hulle gelukkig sal maak), asook vrouens se persoonlike ambisies.
Night and Day
| |
|---|---|
| Skrywer | Virginia Woolf |
| Land | .svg){kind=small} Verenigde Koninkryk |
| Taal | Engels |
| Genre | Roman |
| Uitgewer | Duckworth |
| Uitgegee | 20 Oktober 1919 |
| Medium | Druk (gebind & sagteband) |
| Bladsye | 442 |
Woolf verwys deurgaans na William Shakespeare se werke in hierdie roman, veral die toneelstuk As You Like It.
