Nooit Meer Slaap Nie
Nooit Meer Slaap Nie is 'n roman deur Willem Frederik Hermans, wie al by geleentheid aangeprys is as Nederland se grootste skrywer van die 20ste eeu. Die boek is in Afrikaans vertaal deur Wium van Zyl.
Nooit Meer Slaap Nie
| |
|---|---|
| Skrywer | Willem Frederik Hermans |
| Land |  Nederland |
| Taal | Nederlands (ook beskikbaar in Afrikaans) |
| Genre | Roman |
| Uitgewer | |
| Uitgegee | |
Die roman neem die leser op 'n spanningsvolle en selfs lewensgevaarlike navorsingstog in Finnmark, die yl-bewoonde noordelikste deel van Noorweë. Die verhaal handel oor die lotgevalle van Alfred Issendorf, 'n jong Nederlandse geologiestudent wat aan sy doktorsgraad werk. Die harde werklikheid van die onbekende landskap maak dit vir hom ontsettend moeilik om bewyse vir sy hipotese te vind. Die versperrings in sy pad blyk egter veel verder te strek. Dit word 'n verhaal waarin ook die mens se stryd teen "moedswilligheid en misverstand" en teen die noodlot en ironie, in sowel tragiese as komiese situasies telkens te voorskyn kom.[1]
Verwysings
wysig- ↑ Inligting bekom van die stofomslag van die boek. Naledi Uitgewers. 19-03-2019.