Noordwestelike ekonomiese streek

Die Noordwestelike ekonomiese streek (Russies: Се́веро-За́падный экономи́ческий райо́н, Sewero-Zapadni ekonomitsjeski rajon) is een van 12 ekonomiese streke van Rusland. Met sy Oossee-hawe en nabyheid aan Finland was die streek en sy grootste stad, Sint Petersburg, nog altyd Rusland se "venster op die Weste". Sy geskiedenis verskil baie van dié van Moskou en ander dele van die land. Die stad is ook ’n magneet vir jong studente wat verder wil studeer.

Die Noordwestelike ekonomiese streek in Rusland.

Masjienbou en metaalverwerking is van die belangrikste nywerhede. Die kernkragsentrale Leningrad verskaf genoeg elektrisiteit om ook na Finland uit te voer.

Die streek is 196 500 km² groot en die bevolking is 7,8 miljoen volgens die 2002-sensus. Sowat 87 persent van die mense woon in die stede. Die gemiddelde bevolkingsdigtheid is 40/km².

Deelgebiede

Die volgende deelgebiede val in die streek: Die volgende deelgebiede val in die streek:

1. Leningrad-oblast
2. Nowgorod-oblast
3. Pskof-oblast
4. Sint Petersburg

Verwysings

• Hierdie artikel is vertaal uit die Engelse Wikipedia