Bergwagter
Die bergwagter (Oenanthe monticola) is 'n algemens standvoël wat amper-endemies is aan Suider-Afrika. Dit is 'n plaaslike nomade en leef in klipperige heuwelhange, erosieslote, paddeurgrawings, ou delwerye en ander gebroke grond. In Engels staan die voël bekend as die Mountain Wheatear.
| Bergwagter | |
|---|---|
| |
| Oenanthe monticola | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | O. monticola
|
| Binomiale naam | |
| Oenanthe monticola Vieillot, 1818
| |
Voorkoms
wysigDie voël is 19 cm lank en weeg 32 tot 45gram. Hulle kom aan die Weskus van Suid-Afrika en Namibië voor asook die binneland van Suid-Afrika. Die mannetjie is polimorfies. Die swart morf is meer algemeen; dit swart met wit skouers, fondament, kruis en buitestert. Sommige swart morfe het 'n wit mus en in die weste het hulle 'n wit pens. Die grys morf se lyf is bleekgrys; die kruis, buitestert is wit en daar is soms wit skouervlekke en 'n wit mus teenwoordig. Die wyfie is effens donker roetbruin met 'n wit kruis en buitestertvere. Die jong voëltjies lyk soos die wyfies en kry eers na drie maande volwasse vere.
Hulle leef in pare of familiegroepies saam.