Ola Svensson

Ola Nils Håkan Svensson (* 23 Februarie 1986) is 'n Sweedse popsanger wat in die universiteitstad Lund in Skåne, Swede gebore is. Hy het op die ouderdom van vyf met klavierlesse begin en is musikaal hewig deur sy oupa beïnvloed. Dit was sy oupa wat hom aan sang blootgestel het en hom gevolglik by 'n seunskoor laat aansluit het. Ola was 'n eerstedivisie-voetbalspeler vir Lund en het gedroom om 'n professionele loopbaan in die sport te volg. Hy het egter in 2005 aan die werklikheidsreeks Idol in die agtste plek geëindig nadat hy aan 'n skoolmusiekblyspel deelgeneem het. Sedertdien het hy nommereen-treffers met die liedjies "Rain", "Natalie", "S.O.S.", "Love In Stereo", "Feelgood" en "Sky's The Limit" gehad. Sy tweede enkelspeler van 2006, "Brothers", was ook 'n kleiner treffer, alhoewel dit nie heel so gewild was nie en die vierde plek op die trefferlyste gehaal het. Hy het voorgenoemde snit aan sy ouer broers, Jonas en Daniel, wat beide van El Salvador aangeneem is, opgedra. Ola neem gereeld deel aan die RIX FM-fees en het in 2009 aan die NRJ in the Park- en Diggiloo-feeste deelgeneem.

Ola Svensson
Ola – 2012
Agtergrondinligting
Geboortenaam	Ola Nils Håkan Svensson
Ook bekend as	Ola
Gebore	23 Februarie 1986 (1986-02-23)
Genres	Pop
Jare aktief	2005 — hede
Webwerf	www.ola.cd

In 2007 het Ola die snit "Du är musiken i mig" saam met Molly Sandén opgeneem. Die snit is die Sweedse weergawe van "You are the music in me" van High School Musical 2. Hy het ook promosiewerk vir die liedjie saam met Molly in Londen gedoen. Ola het in die tweede halfeindstryd van die Melodifestivalen 2008 op 16 Februarie deelgeneem met sy inskrywing "Love in stereo".

Ola het twee vollengte ateljeealbums, Given to fly en Good enough. Good enough is hervrygestel om die enkelsnit "Feelgood" in te sluit en hierdie vrystelling het Good enough – the Feelgood edition geheet. Hermengalbums S.O.S. en Natalie is ook uitgereik. Ola se derde ateljeealbum word vroeg 2010 in Europa vrygestel.

Diskografie

• My Own Idol – Idol 2005 (2005)
• Given to Fly (2006) #1
• Good Enough (2007) #6
• Good Enough – The Feelgood Edition (2008) #2

Eksterne skakels

• Amptelike webwerf Geargiveer 10 Februarie 2015 op Wayback Machine (en)
• Svensson se persoonlike webjoernaal Geargiveer 24 November 2009 op Wayback Machine (sv)

Musiekvideo's

• "Du är musiken i mig" op YouTube (sv)

Onderhoude

• Onderhoud met Aftonbladet (sv)
• Oor Melodifestivalen, die liefde en sy enkelspeler "S.O.S" — onderhoud met Aftonbladet (sv)