Olaf Andresen
Olaf Andresen (1902–1985) was 'n Duitsgebore Afrikaanse liedjieskrywer, komponis en uitgewer van bladmusiek.[1] Hy is bekend vir die Heidelied, My Hart Verlang Na Die Boland en die liedere van verskeie weermag-eenhede. Hy het sy komposisies by sy eie musiekdrukkery, Melotoongolwe Musiekuitgewers, laat druk en versprei.
Olaf Andresen | |
|---|---|
| Geboortenaam | Hans Olaf Waldemar Rüdiger Emmerich Felix Januarius Andresen |
| Gebore | 14 Januarie 1902 Berlyn, Duitsland |
| Sterf | 20 Desember 1985 Kemptonpark |
| Beroep(e) | Komponis, liedjieskrywer |
Beknopte biografie
wysigHans Olaf Waldemar Rüdiger Emmerich Felix Januarius Andresen is op 14 Januarie 1902 in Berlyn in Duitsland gebore en vestig hom in 1931 in Suid-Afrika. Hy raak in 1939 verloof aan Martha Dittrich, 'n Afrikaanse meisie van Deense oorsprong.
Met die uitbreek van die Tweede Wêreldoorlog is hy in die Leeukop-gevangenis geïnterneer omdat hy 'n lid van die Ossewa Brandwag was en Duitsland in die oorlog gesteun het. Ná agt maande ontsnap hy op 6 Julie 1941 met die hulp van sy verloofde uit die interneringskamp. Hy was daarna vir elf maande in Suid-Afrika voortvlugtend. In hierdie tyd het hy onder andere marse vir die Ossewa Brandwag onder die skuilnaam Andries Cilliers gekomponeer. [2]
Daarna vlug hulle na Mosambiek en is daar getroud. Gedurende die tyd loof die regering van genl. Jan Smuts 'n beloning van 500 pond uit vir enigeen wat hom lewendig of dood sou uitlewer.[3] Nadat die Nasionale Party in 1948 aan bewind kom, kon hy weer na Suid-Afrika terugkeer en dien drie jaar tronkstraf uit.
Hy is op 20 Desember 1985 in Kemptonpark oorlede.
Nalatenskap
wysigDie Andresen-versameling bestaan uit artefakte, korrespondensie, musiekmanuskripte, koerantknipsels en gedrukte musiek. Dit vul 13 pamfletdose.[4]
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ https://books.google.co.za/books?id=rl8nkyID3WsC&pg=PA5&lpg=PA5&dq=Olaf+Andresen+composer&source=bl&ots=AJuVl8AybZ&sig=20K_6n1Bk-0Obl2W9Uh4mY5g-Js&hl=en&sa=X&ved=0ahUKEwjI-YC_paTRAhWkCsAKHTYjC6sQ6AEIUzAL#v=onepage&q=Olaf%20Andresen%20composer&f=false
- ↑ Vrou besoek tronk halfeeu ná vonnis; Sy het komponis Andresen help ontsnap, Beeld, 3 Desember 1993
- ↑ Kernversamelings in DOMUS Geargiveer 23 Mei 2020 op Wayback Machine, besoek op 14 Januarie 2014