Olivia Colman

Britse aktrise

Sarah Caroline Olivia Colman (gebore 30 Januarie 1974)[1][2] is ’n Britse aktrise wat al ’n Oscar, vier Baftas, vier British Independent Film Awards en twee Golden Globes gewen het.

Olivia Colman
'n Beeld van die betrokke persoonlikheid.
Colman in 2014.

Geboortenaam Sarah Caroline Olivia Colman
Geboorte 30 Januarie 1974 (1974-01-30) (46 jaar oud)
Norwich, Norfolk, Engeland
Nasionaliteit Brits
Beroep(e) Aktrise
Aktiewe jare 2000-tans
Rolprente Tyrannosaur (2011), The Favourite (2018)
Toekennings O.a. ’n Oscar, 4 Baftas, 2 Golden Globes
Internet-rolprentdatabasis-profiel

Colman het eerste in televisie naam gemaak. Haar deurbraak was as Sophie Chapman in die Channel 4-komediereeks Peep Show (2003-2015). Sy het Baftas gekry vir haar toneelspel in die reekse Twenty Twelve, Accused[3] en die misdaadreeks Broadchurch, en ’n Golden Globe-prys en Emmy-benoeming vir die rillerminireeks The Night Manager.

Wat rolprente betref, het Colman onder meer uitgeblink in die drama Tyrannosaur (2011).[4] Haar ander groot fliekrolle sluit in Hot Fuzz (2007), The Iron Lady (2011), Hyde Park on Hudson (2012), Locke (2013), The Thirteenth Tale (2013) en The Lobster (2015). Vir haar uitbeelding van koningin Anna van Groot-Brittanje in The Favourite (2018) het sy ’n Bafta, Golden Globe en Oscar gewen.

Vroeë leweWysig

Colman was gebore in Norwich, Norfolk, die dogter van (Leakey), 'n verpleegster, en Keith Colman, 'n landmeter.[5]

VerwysingsWysig

  1. "Olivia Colman reveals battle with Wikipedia over her age". Sky News (in Engels). Geargiveer vanaf die oorspronklike op 29 September 2019.
  2. "Olivia Colman battled with Wikipedia to get her incorrect age changed". The Independent (in Engels). 28 Januarie 2019. Geargiveer vanaf die oorspronklike op 15 Maart 2020.
  3. "Television in 2013 | BAFTA Awards". awards.bafta.org (in Engels). Geargiveer vanaf die oorspronklike op 22 Oktober 2019.
  4. Maloney, Alison. "Ladies in red light up Empire Awards". The Sun (in Engels). Londen. Geargiveer vanaf die oorspronklike op 21 Januarie 2015.
  5. Fitzherbert, Henry (2 Januarie 2012). "Olivia Colman on the fast-track to becoming a national treasure". Daily Express (in Engels). Geargiveer vanaf die oorspronklike op 29 Oktober 2013. Besoek op 22 Maart 2013.

Eksterne skakelsWysig