Knoppiesstinkkruid
Knoppiesstinkkruid (Oncosiphon suffruticosus) is inheems aan Namibië en die Wes- en Noord-Kaap van Suid-Afrika. Op die SANBI-rooilys is die spesie as 'veilig' (LC) gelys.[1]
| Knoppiesstinkkruid | |
|---|---|
| |
| |
Wetenskaplike klassifikasie 
| |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Asterids |
| Orde: | Asterales |
| Familie: | Asteraceae |
| Genus: | Oncosiphon |
| Spesie: | O. suffruticosus
|
| Binomiale naam | |
| Oncosiphon suffruticosus | |
| Sinonieme | |
Dit is 'n eenjarige kruid met blare wat 'n prikkelende aromatiese reuk het. Die bloemhoof bestaan uit talle geel knoppies van ongeveer 5 mm deursnee.[2] Dit word kniehoog en het veeragtige blare wat grysgroen van kleur is. Dit groei op kaal sandgrond, byvoorbeeld aan die rand van soutmoerasse. Dit is in Australië 'n indringerplant wat moeilik is om te beheer.[3]
In Suid-Afrika is dit 'n onkruid wat erg met gewasse kan wedywer. Dit is vanweë die sterk reuk onsmaaklik vir die vee en beïnvloed die smaak van melk en vleis negatief indien dit gevreet word. Dit plant hom net met sy saadjies voort en versprei hom stadig omrede die saadjie geen verspreidingsaanpassings het nie.[4]
Verwysings
wysig- ↑ "SANBI-rooilys" (in Engels). Geargiveer vanaf die oorspronklike op 27 April 2020.
- ↑ whatsepcies.com.
- ↑ Australiese beheer van indringerplante.
- ↑ onkruid in die wintereënvalstreek.
Wikimedia Commons het meer media in die kategorie Knoppiesstinkkruid.
