Oshiwambo

Oshiwambo (Oshivambo) is 'n dialekkontinuum van Bantoetale in Suider-Afrika wat deur sowat 1 441 000 mense gepraat word. Dit word deur die Ovambo's gepraat en is een van die nasionale tale van Namibië. Daarbenewens word Oshiwambo in die aangrensende land Angola gepraat.

Oshiwambo Oshivambo
Gepraat in:	Angola  Namibië
Gebied:	Suider-Afrika
Totale sprekers:	1 441 000
Taalfamilie:	Niger-Kongo  Atlanties-Kongo   Volta-Kongo    Benue-Kongo     Bantoïed      Suidelike Bantoïed       Bantoetale        Suidwestelike Bantoetale         Oshiwambo
Skrifstelsel:	Latynse alfabet
Amptelike status
Amptelike taal in:	Namibië (nasionale taal)
Gereguleer deur:	geen
Taalkodes
ISO 639-1:	kj – Kwanyama ng – Ndonga
ISO 639-2:	kua, ndo
ISO 639-3:	onderskeidelik: kua – Kwanyama ndo – Ndonga kwm – Kwambi lnb – Mbalanhu nne – Ngandjera

Verspreiding van Oshiwambo in Namibië volgens die 2011-sensus:

   <1%

   1–5,99%

   6–10,99%

   11–20,99%

   21–30,99%

   31–49,99%

   50–75,99%

   76–90%

   >90%

'n Vrou uit Namibië gee 'n voorbeeld van Oshiwambo

Hoewel die amptelike taal Engels is, kan uit hierdie foto (met voorbeelde van Engels, Duits, Afrikaans en Oshiwambo) gesien word dat Namibië ’n veeltalige land is

Oshiwambo word veral in die voormalige Bantoestan Ovamboland van die destydse Suidwes-Afrika gepraat, dit sluit die Namibiese streke Omoesati, Osjana, Ohangwena en Osjikoto in. Oshiwambo sluit die dialekte Kwanyama, Ndonga, Kwambi, Mbalanhu en Ngandjera in. Oshiwambo is nou verwant aan Herero, die taal van die Herero-volk.

Voorbeelde

Algemene woorde en frases:

• Owe uya po! – "Welkom!"
• Wa aluka! – "Hallo!"
• Wa shilwa? – "Goeie more"
• Wa uhala po? – "Goeie dag"
• Ou li tutu nawa? – "Hoe gaan dit?"
• kulala – "slaap"
• omulaule – "swart"
• Hai ti! – "luister!"
• Omukwaniilwa – "koning"
• Nda pandula – "dankie"
• Heeno – "Ja"
• Aaye – "Nee"
• Enda nawa – "Totsiens"
• Ondikuhole – "Ek is lief vir jou"

Eksterne skakels

• Wikimedia Commons het meer media in die kategorie Oshiwambo.