Paar van Weerdinge

Paar van Weerdinge
Paar van Weerdinge 1904

Die Paar van Weerdinge is twee naakte veenlyke wat op 29 Junie 1904 deur die veenarbeider Hilbrand Gringhuis[1] by Weerdinge in Drenthe, Nederland ontdek is. Hulle is nou in die Drents-museum in Assen.

VondsWysig

Nadat hulle gevind is, is die lyke na ’n lykhuis in Nieuw-Weerdinge geneem, opgerol en ’n kis gestop.[2] Aanvanklik is gemeen dit is ’n man en vrou en is hulle die "Egpaar van Weerdinge" genoem, of grappenderwys in die volksmond "Mnr. en Mev. Veenstra". ’n Onlangse DNA-ondersoek het getoon dit is twee mans met aparte moeders en hul naam is verander na die Paar van Weerdinge.

Die twee lyke dateer uit die Ystertydperk. Die een is moontlik met ’n mes in die bors gesteek; sy ingewande het uit die wond gepeul. Die oorsaak van die ander se dood is onbekend.

VerwysingsWysig

  1. Website Drents Museum
  2. Gerding, M & Hillinga, H. (2007). Het Drenthe Boek. Zwolle: Waanders Uitgevers.