Palearktiese gebied
Die Palearktiese gebied is een van agt ekosones waarin die aarde se oppervlak opgedeel word. Dit is by verre die grootse ekosone wat oor die aaneengeslote landmassa (insluitende eilande naby die kus) van Europa, Noord-Afrika, die Midde-Ooste en Noord-, Sentraal- en Oos-Asië strek.
Die term Palearkties word algemeen gebruik om die verspreiding van diere te beskryf. Omdat die gebied nie enige onoorkombare struikelblokke het nie, kom verskeie spesies reg oor die gebied voor (mits die klimatologiese omstandighede en die landskap natuurlik geskik is).
