Noord-Asië

Ligging van Noord-Asië

Oppervlak 20 000 000 km²
Bevolking 33 765 005 (2017)
Lande 1 (Vlag van Rusland Rusland)
Tale Russies, Eskimo-Aleoeties, Mongools, Oeraals, Toengoesies, Turks en baie ander
Tydsones UTC+05:00 (Jekaterinburg) tot UTC+12:00 (Kamtsjatka-skiereiland)
Belangrike stede Barnaoel
Chabarofsk
Irkoetsk
Jakoetsk
Jekaterinburg
Kemerowo
Krasnojarsk
Nowokoeznetsk
Nowosibirsk
Omsk
Tjoemen
Tomsk
Tsjeljabinsk
Wladiwostok
N60-90, E60-90 N60-90, E90-120 N60-90, E120-150
N30-60, E60-90 N30-60, E90-120 N30-60, E120-150
Die uitgestrekte Siberië beslaan feitlik die hele Noord-Asië.
Koördinate: 60°0′N 105°0′O / 60.000°N 105.000°O / 60.000; 105.000

Noord-Asië of Noordelike Asië (Russies: Северная Азия, Severnaya Aziya), soms ook Siberië genoem, is 'n geografiese gebied in die noorde van Asië. Dit bestaan uit Siberië en die Russiese Verre-Ooste in die Russiese gedeelte van Asië, 'n gebied oostelik van die Oeralgebergte. Ná die gebied word soms as Asiatiese Rusland verwys, in teenstelling met die kleiner, maar digterbevolkte Europese Rusland in die weste. Die totale bevolking van Noord-Asië is sowat 33 miljoen en dit beslaan 'n oppervlakte van sowat 20 000 000 km². Noord-Asië maak sowat 75% van Rusland se totale gebied uit, maar net 22% van sy totale bevolking.

Noord-Asië grens in die weste aan Oos-Europa, in die suidweste aan Sentraal-Asië, en in die suide aan Mongolië en die Volksrepubliek China. In die ooste is die noordelike deel van die Stille Oseaan geleë, in die noordooste word Noord-Asië deur die Beringstraat van Noord-Amerika (Alaska) geskei en in die noorde is die Arktiese Oseaan geleë. In die noordweste grens Noord-Asië aan die Karasee, in die noorde aan die Laptefsee, in die noordooste aan die Oos-Siberiese See en die Tsjoekotkasee, in die ooste aan die Beringsee, en in die suidooste aan die See van Ochotsk en die See van Japan. Belangrike eilande langs die kus sluit in (kloksgewys van noordwes tot suidoos) Nowaja Zemlja, Sewernaja Zemlja, die Nieu-Siberiese Eilande, Wrangeleiland en Sachalin. In die suide is die Baikalmeer geleë.

Van Noord-Asië se belangrikste riviere sluit in Aldan, Anadirrivier, Angara, Argoen, Indigirka, Kolima, Olenjok, Oljokma, Selenga, Tsjoelim, Wiljoei, Witim en Zeja.

Polities is Noord-Asië verdeel in drie federale distrikte van Rusland: Federale Distrik Oeral, Siberiese Federale Distrik en die Verre-Oosterse Federale Distrik.

Eksterne skakels wysig

Gebiede van die Wêreld

 

Afrika

Noord (Midde-Ooste)  · Suid van die Sahara (Sentraal · Suider · Wes · Oos)

 

Amerikas

Noord · Sentraal · Karibiese Gebied) · Suid · Latyns

 

Asië

Sentraal · Oos · Noord-Asië (Verre-Ooste) · Suid (Indiese subkontinent) · Suidoos · Suidwes (Midde-Ooste)  · Wes

 

Europa

Sentraal · Noord · Suid · Wes · Oos

 

Oseanië

Australasië (Australië · Seeland) · Melanesië · Mikronesië · Polinesië

 

Poolgebiede

Noordpoolgebied · Antarktika

 

Oseane

Arktiese · Atlantiese · Indiese · Stille · Suidelike

 

Seë

Oorsig van Seë

Sien ook Kontinente van die wêreld