Maak hoofkeuseskerm oop
Topografiese kaart van Seelandië.
Geologiese kaart van Seelandië.

Seelandië, ook bekend as Tasmantis of die Nieu-Seeland-kontinent, is ’n feitlik heeltemal onderwaterse kontinentale fragment in die Suidelike Halfrond. Dit is oos van die kontinent Australië in die Stille Oseaan geleë. Seelandië streek oor ’n gebied van meer as 3,5 miljoen vierkante kilometer en is groter as Groenland of Indië, maar kleiner as Australië. Op die kontinentale fragment is die land Nieu-Seeland en die Franse oorsese gebied Nieu-Kaledonië geleë.

Seelandië het meer as 60-85 miljoen jaar gelede van Australië en meer as 85-130 miljoen jaar gelede van Antarktika weggebreek.[1] Dit is vermoedelik al 23 miljoen jaar feitlik heeltemal onderwater.[2][3]

Vanweë verskeie geologiese oorwegings, soos die dikte en digtheid van die kors, kan dit waarskynlik as ’n kontinent uit eie reg beskou word.[4] Dit is die mening wat in 2017 die nuus gehaal het toe geoloë van Nieu-Seeland, Nieu-Kaledonië en Australië tot die gevolgtrekking gekom het dat Seelandië aan al die nodige vereistes voldoen om as ’n kontinent beskou te word, eerder as ’n kontinentale fragment.[5] Dit is wyd deur die media gedek.[6][7][8]

GebiedeWysig

  • Nieu-Seeland, met ’n oppervlakte van 267 988 km2 en ’n bevolking van 4 430 400
  • Nieu-Kaledonië, met ’n oppervlakte van 18 576 km2 en ’n bevolking van 252 000
  • Verskeie gebiede van Australië
    • Lord-Howe-eiland, met ’n oppervlakte van 56 km2 en ’n bevolking van 347
    • Norfolk-eiland, met ’n oppervlakte van 35 km2 en ’n bevolking van 2 302

VerwysingsWysig

  1. (en) Keith Lewis (2007-01-11). "Zealandia: the New Zealand continent". Te Ara Encyclopedia of New Zealand. Besoek op 2007-02-22. Onbekende parameter |coauthors= geïgnoreer (help)
  2. (en) "Searching for the lost continent of Zealandia". The The Dominion Post. 29 September 2007. Besoek op 2007-10-09. We cannot categorically say that there has always been land here. The geological evidence at present is too weak, so we are logically forced to consider the possibility that the whole of Zealandia may have sunk.
  3. (en) Campbell, Hamish (2007). In Search of Ancient New Zealand. North Shore, Nieu-Seeland: Penguin Books. pp. 166–167. ISBN 978-0-14-302088-2. Onbekende parameter |coauthors= geïgnoreer (help)
  4. Mortimer, Nick; Hamish Campbell (2014). Zealandia: Our continent revealed. North Shore, New Zealand: Penguin Books. pp. 72ff. ISBN 978-0-14-357156-8
  5. (2017) “Zealandia: Earth’s Hidden Continent”. GSA Today 27. doi:10.1130/GSATG321A.1.
  6. Potter, Randall (16 Februarie 2017). "Meet Zealandia: Earth's latest continent". CNN.
  7. Hunt, Elle (16 Februarie 2017). "Zealandia – pieces finally falling together for continent we didn't know we had". The Guardian.
  8. East, Michael (16 Februarie 2017). "Scientists discover 'Zealandia' – a hidden continent off the coast of Australia". The Telegraph.

Eksterne skakelsWysig