Olenjok
Die Olenjok (Russies: Оленёк / Оленек, Olenek; Jakoeties: Өлөөн, Ölöön) is 'n groot noord-vloeiende rivier in Siberië. Dié rivier, met 'n lengte van 2 292 km (1 424 myl), ontspring in die Sentraal-Siberiese Plato in die Krasnojarsk-krai. Aansluitend vloei dié rivier in 'n oostelike rigting deur die Jakoetië-republiek en bereik Olenjok. Vanaf hier vloei die Olenjok in 'n noordoostelike rigting en mond in 'n delta net wes van die Lena s'n in die Laptefsee uit.[1]
| Olenjok | |
|---|---|
 Die stroomgebied van die Olenjok | |
| Oorsprong | Sentraal-Siberiese Plato, Krasnojarsk-krai, Rusland |
| Monding | Jakoetië, Rusland Laptefsee |
| Stroomgebied | Rusland |
| Lengte | 2 292 km (1 424 myl) |
| Mondinghoogte | 0 m (0 voet) |
| Gemiddelde afloop | 1 210 m³/s (43 000 ft³/s) |
| Stroomgebiedopp. | 219 000 km² (84 500 myl²) |
 Kaart van die Olenjok-bekken in Asië
| |
Die Olenjok se omgewing is gekenmerk deur die Taiga, wat by die kus verder noord in Toendra oorgaan. Dié rivier vries in Oktober en bly tot Mei-Junie onder die ys.
Verwysings wysig
- ↑ "Olenyok River" (in Engels). Encyclopædia Britannica. Geargiveer vanaf die oorspronklike op 9 Augustus 2016. Besoek op 17 Augustus 2017.
Eksterne skakels wysig
Wikimedia Commons het meer media in die kategorie Olenjok.
