Papilloom

’n Papilloom of papilloma is ’n goedaardige gewas wat uitwaarts groei in ’n tepel- of vingervorm. In hierdie sin verwys "papil" na die vorm van die groeisel en nie ’n gewas op ’n bestaande papil (soos die tepel) nie.

Papilloom
Klassifikasie en eksterne bronne
’n Voorbeeld van ’n menslike papilloom.
ICD-O	8050/0
MeSH	D010212
Mediese waarskuwing

Beskrywing

Wanneer die term buite verband gebruik word, verwys dit dikwels na infeksies wat deur die menslike papilloomvirus (MPV) veroorsaak word, soos vratte. MPV-infeksies is ’n groot oorsaak van servikale kanker, hoewel die meeste MPV-infeksies nie kanker veroorsaak nie. Daar is egter ’n paar ander toestande benewens MPV wat papillome veroorsaak, sowel as ’n paar onbekende oorsake.

’n Goedaardige papilloom is ’n groeisel uit die boonste laag van die vel of slymvlies wat van ’n paar weke tot 10 jaar kan bly. Dit kan wit of ’n normale kleur wees, met ’n deursnee van tussen 1 en 5 cm.

Die groeisels is blomkoolvormig en kan "steeltjies" hê of nie. Die mees algemene plekke waar hulle voorkom, is aan die verhemelte/kleintongetjie, gevolg deur die tong en lippe. Hulle word ook op ander dele van die liggaam aangetref.

Prognose

Daar is geen bewyse dat papillome kwaadaardig kan word nie. Behandeling sluit uitsnyding in; hulle keer selde terug.

Eksterne skakels

• Verskeie definisies
• Hierdie artikel is vertaal uit die Engelse Wikipedia