Vrat

Vratte is gewoonlik klein, growwe, harde groeisels wat dieselfde kleur as die res van die vel het. Daar is gewoonlik geen simptome nie, tensy hulle onder die voete voorkom; hulle kan dan pynlik wees. Wanneer hulle aan die hande en voete aangetref word, kan hulle ander dele van die liggaam ook aantas. Een of baie vratte kan voorkom. Hulle is nie kankeragtig nie.

Verskeie vratte op iemand se groottoon.

Oorsaak en diagnose

Vratte word veroorsaak deur ’n infeksie deur die menslike papilloomvirus (MPV). Faktore wat die risiko van infeksie kan verhoog, is die gebruik van openbare storte, die werk met vleis, ekseem en ’n lae immuunstelsel. Die virus dring vermoedelik die vel binne waar dit effens beskadig is.

’n Paar soorte word aangetref, soos gewone vratte, soolvratte en genitale vratte. Laasgenoemde word gewoonlik seksuseel oorgedra.

Voorkoms en behandeling

Sonder behandeling verdwyn die meeste soorte vratte binne ’n paar maande tot ’n paar jaar. Hulle kan behandel word met onder meer salisielsuur wat aan die vel gesmeer word en met hipotermiese behandeling. Genitale vratte word op ander maniere behandel.

Vratte is baie algemeen en die meeste mense kry dit die een of ander tyd. Hippokrates het dit al in 400 v.C. beskryf. Die huidige geraamde voorkoms vir niegenitale vratte onder die algemene publiek is 1-13 persent. Dit kom veral by jong mense voor.

Eksterne skakels

• Wikimedia Commons het meer media in die kategorie Vrat.
• Wikiwoordeboek het 'n inskrywing vir vrat.
• Hierdie artikel is vertaal uit die Engelse Wikipedia