Grysappel

Die grysappel (Parinari curatellifolia) is 'n boom wat hoofsaaklik in Limpopo, Mpumalanga en die suide van die Krugerwildtuin voorkom. Hierdie boom is groot, immergroen en spreidend. Die sampioenvormige blaarkroon verskaf skadu. Hulle groei meestal in sanderige grond in oop bosveldgebiede. Die hout word moeisaam bewerk omrede dit silikakristalle bevat, wat meebring dat die bome selde afgekap word. Die vrugte is gesog onder die plaaslike bevolking en word ongeveer 5 cm lank. Dit het geel vrugvlees en is 'n lekkerny as dit ryp is. Die vrugte kan tot stroop verwerk word, en daar word ook koeldrank of bier van gemaak. Soms gee die boom 'n onaangename reuk af; die oorsaak is egter onseker.

• 
  Tak met blare
• 
  Bas

Grysappel
Wetenskaplike klassifikasie
Koninkryk:	Plantae
(geen rang):	Angiospermae
(geen rang):	Eudicots
(geen rang):	Rosids
Orde:	Malpighiales
Familie:	Chrysobalanaceae
Genus:	Parinari
Spesie:	P. curatellifolia
Binomiale naam
Parinari curatellifolia Planch. ex Benth.

Sien ook

• Alfabetiese lys van Suid-Afrikaanse bome

Bron

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8