Paris, je t'aime
Paris, je t'aime (Frans, "Parys, ek het jou lief") is 'n internasionale episoderolprent wat hoofsaaklik in Frankryk geskiet en meestal met Franse dialoog vervaardig is. Dit is 'n twee ure-lange rolprent wat in verskillende arrondissements van Parys afspeel. Altesaam 21 regisseurs se insette is gebruik en die rolverdeling sluit akteurs en aktrises van verskeie nasionaliteite in, waaronder Amerikaans, Brits en Frans. Die regisseurs was Gurinder Chadha, Sylvain Chomet, Joel en Ethan Coen, Gérard Depardieu, Wes Craven, Alfonso Cuarón, Nobuhiro Suwa, Alexander Payne, Tom Tykwer, Walter Salles, en Gus van Sant.
| Paris, je t'aime | |
|---|---|
| Regisseur | Veelvuldig |
| Produksieleier | Emmanuel Benbihy, Claudie Ossard |
| Draaiboek | Veelvuldig |
| Met | Veelvuldig |
| Musiek deur | Veelvuldig |
| Verspreider | Frankryk: La Fabrique de films VSA: First Look Pictures Kanada: Maple Pictures |
| Uitgereik | 21 Junie 2006 |
| Speeltyd | 120 minute |
| Land | Frankryk |
| Taal | Frans, Engels, Chinees, Spaans |
| Begroting | VS$16 000 000 |
| Bruto wins | VS$17 335 978 |
| Opgevolg deur | New York, I Love You |
| IMDb-profiel | |
Aanvanklik was twintig kortrolprente wat die twintig arrondissements van Parys sou voorstel, beplan. Twee (die XVe arrondissement, deur Christoffer Boe geregisseer, en die XIe arrondissement, deur Raphaël Nadjari) is in die finale weergawe van die rolprent uitgesluit omdat hulle nie behoorlik in die res van die prent geïntegreer kon word nie. Elke arrondissement word deur 'n paar beelde van Parys opgevolg; hierdie oorgangsekwensies is deur Emmanuel Benbihy geskryf en deur Benbihy en Frédéric Auburtin geregisseer. Met Benbihy ingesluit, was daar 22 regisseurs in die voltooide rolprent.
Die rolprent het op 18 Mei 2006 by die Cannes-rolprentfees gepremière en die Un Certain Regard-seleksie geopen. Die Kanadese première was op 10 September 2006 by die Toronto-rolprentfees en die Amerikaanse première op 9 April 2007 in Pittsburgh, Pennsilvanië.[1] First Look Pictures het die Noord-Amerikaanse regte tot die rolprent gekry en die rolprent het op 4 Mei 2007 in Amerikaanse bioskope begin draai.
Verwysings
wysig- ↑ Thomas, Mary (6 April 2007). "Film Notes: Movie scholar to discuss student film opportunities". Pittsburgh Post-Gazette. Geargiveer vanaf die oorspronklike op 10 April 2009. Besoek op 19 Desember 2007.
