Gérard Depardieu

	Gérard Depardieu
	Depardieu in 2015 by die Cannes-rolprentfees.
Geboortenaam	Gérard Xavier Marcel Depardieu
Geboorte	27 Desember 1948 (75 jaar oud)
Aktiewe jare	1964-tans

Gérard Xavier Marcel Depardieu (IFA: ʒeʁaʁ dəpaʁdjø; 27 Desember 1948) is ’n Franse akteur, rolprentmaker en sakeman. Hy is een van die besigste akteurs in die bedryf en was sedert 1967 in sowat 170 rolprente.

Loopbaan

Depardieu het op 16 jaar na Parys verhuis en in die nuwe komedieteater Café de la Gare begin toneelspeel.^[1] Hy het ook dans onder Jean-Laurent Cochet studeer.

Sy deurbraakrol was in 1974 in die Franse komedie Les Valseuses (Going Places).^[2] Ander vroeë rolle sluit in die epiese 1900 saam met Robert de Niro (1976); The Last Metro (1980), waarvoor hy die Franse César-prys gewen het; Police (1985), waarvoor hy die prys vir beste akteur op die Venesiese Rolprentfees gekry het; Jean de Florette (1986) en Cyrano de Bergerac. Vir laasgenoemde het hy die prys vir beste akteur op die Cannes-rolprentfees en sy tweede César gewen, asook ’n Oscar-benoeming vir beste akteur gekry.

Hy was ook te sien in Green Card (1990), waarvoor hy ’n Golden Globe gewen het, en daarna in verskeie groot Hollywood-flieks, soos 1492: Conquest of Paradise (1992), Hamlet (1996) en Life of Pi (2012).

Hy is ’n kavalier van die Franse Erelegioen en van die Nasionale Meriete-orde. Hy het in Januarie 2013 Russiese burgerskap gekry^[3] en het in dieselfde maand ’n kulturele ambassadeur van Montenegro geword.^[4]

Verwysings

↑ (fr) 30ste herdenkining van Café de la Gare, L'Express, 15 Augustus 2002
↑ Gérard Depardieu by IMdb
↑ "Executive Order on granting Russian citizenship to Gerard Depardieu". Russiese presidensiële kantoor (in Engels). 3 Januarie 2013. Geargiveer vanaf die oorspronklike op 26 Januarie 2015. Besoek op 20 Februarie 2016.
↑ "Depardieu nommé ambassadeur de la culture du Monténégro". La Voix de la Russie (in Frans). 9 Januarie 2013. Geargiveer vanaf die oorspronklike op 10 Oktober 2014. Besoek op 27 April 2014.

Eksterne skakels

Gérard Depardieu in die Internet-rolprentdatabasis
Wikimedia Commons het meer media in die kategorie Gérard Depardieu.
Hierdie artikel is vertaal uit die Engelse Wikipedia

[1] (fr) 30ste herdenkining van Café de la Gare, L'Express, 15 Augustus 2002

[2] Gérard Depardieu by IMdb

[3] "Executive Order on granting Russian citizenship to Gerard Depardieu". Russiese presidensiële kantoor (in Engels). 3 Januarie 2013. Geargiveer vanaf die oorspronklike op 26 Januarie 2015. Besoek op 20 Februarie 2016.

[4] "Depardieu nommé ambassadeur de la culture du Monténégro". La Voix de la Russie (in Frans). 9 Januarie 2013. Geargiveer vanaf die oorspronklike op 10 Oktober 2014. Besoek op 27 April 2014.

[1]

[2]

[3]

[4]