Patrick White

Patrick Victor Martindale White (28 Mei 1912 – 30 September 1990) was 'n Australiese skrywer wat van 1935 tot 1987 twaalf romans, drie kortverhaalbundels en agt toneelstukke gepubliseer het.

Patrick White
White, c. 1940's
Gebore	Patrick Victor Martindale White 28 Mei 1912 Knightsbridge, Londen, Middlesex, Engeland
Sterf	30 September 1990 Sydney, Nieu-Suid-Wallis, Australië
Beroep	skrywer
Taal	Engels
Nasionaliteit	Australies
Alma mater	King's College, Cambridge

White se prosa maak gebruik van humor, verskuiwende verhalende waarnemingspunte en bewussynstroom-tegnieke. In 1973 is hy bekroon met die Nobelprys vir Letterkunde, "vir 'n epiese en sielkundige vertelkuns wat 'n nuwe kontinent in die letterkunde ingebring het", soos per die Sweedse Akademie. Hy is die enigste Australiër wat tot op hede met die prys bekroon is (J. M. Coetzee het die toekenning in 2003 as 'n Suid-Afrikaanse burger gewen, voordat hy in 2006 'n Australiese burger geword het). White was ook die eerste ontvanger van die Miles Franklin-toekenning.

Alhoewel White in Londen gebore is, stam hy af van vier generasies Australiërs. Sy jeug bring hy deur in Sydney en in die Australiese "outback", waarvan die onheilspellende landskap die literêre en spirituele inspirasie vir sy werk is. Ná 'n ongelukkige tyd in 'n Engelse kosskool keer hy terug na Australië, waar hy vir twee jaar werksaam is by 'n skaapboerdery in Nieu-Suid-Wallis. Hierna keer hy terug na Engeland, waar hy aan die Universiteit van Cambridge studeer en vir 'n tydperk in Londen woonagtig is.

Hy spandeer byna 'n jaar in New York, waar hy onderhandelings voer oor die VSA-publikasie van sy eerste roman, Happy Valley (1939), 'n ironiese titel vir 'n boek wat 'n negatiewe en verpletterende ontleding is van 'n klein Australiese gemeenskap. Beide die kosmopolitiese invloede van sy uitgebreide reise, en die feit dat hy relatief welgesteld was, differensieer White van sy tydgenote, waarvan die meeste nie gegoed was nie, en realistiese romans geskryf het oor tipies Australiese onderwerpe, in teenstelling met White se universele temas.

White se skryfstyl, wat die invloed toon van James Joyce en Gertrude Stein, maak gebruik van bewussynstroom-tegniek, maar verteenwoordig terselfdertyd sy eie unieke stem. Hy probeer, in sy eie woorde, "to find reason in apparent unreason, and how to accept a supernatural force which on one hand blesses and on the other destroys."

Onder sy romans tel The Tree of Man (1955), wat handel oor die sukkelbestaan van 'n gesin en hul suiwelboerdery; Voss (1957), wat handel oor 'n man wat die gevaarlike Australiese binneland invaar om homself te toets en 'n geestelike herlewing te bewerkstellig; en The Eye of the Storm (1973), waarin 'n vrou se pogings tot 'n vreedsame dood beduiwel word deur die geldgierigheid en egosentrisiteit van haar erfgename.

The Cockatoos (1974) is 'n bundel kortverhale. A Fringe of Leaves (1976) verken die verskeie verskyningsvorme van slawerny waaraan mense onderwerp word, of waaraan hul hulself onderwerp. The Twyborn Affair (1979) handel oor die verwarrende vorme van seksuele en spirituele identiteit.

White se outobiografiese werke is Flaws in the Glass: A Self-Portrait (1981) en Memoirs of Many in One (1986). Die kortverhaalbundel Three Uneasy Pieces verskyn in 1987.

Lys van werke

Romans

• Happy Valley (1939)
• The Living and the Dead (1941)
• The Aunt's Story (1948)
• The Tree of Man (1955)
• Voss (1957)
• Riders in the Chariot (1961)
• The Solid Mandala (1966)
• The Vivisector (1970)
• The Eye of the Storm (1973)
• A Fringe of Leaves (1976)
• The Twyborn Affair (1979)
• Memoirs of Many in One (1986)
• The Hanging Garden (2012) (Onvoltooid, postuum)

Kortverhaalbundels

• The Burnt Ones (1964)
• The Cockatoos (1974)
• Three Uneasy Pieces (1987)

Poësie

• Dertien Gedigte / onder die skuilnaam Patrick Victor Martindale. – Sydney : Privaat gedruk, (omstreeks 1929)
• The Ploughman and Other Poems. – Sydney: Beacon Press, (1935)

Toneelstukke

• Bread and Butter Women (1935) Ongepubliseer.
• The School for Friends (1935) Ongepubliseer.
• Return to Abyssinia (1948) Ongepubliseer.
• The Ham Funeral (1947) prem. Union Theatre, Adelaide, 1961.
• The Season at Sarsaparilla (1962)
• A Cheery Soul (1963)
• Night on Bald Mountain (1964)
• Big Toys (1977)
• Signal Driver: a Morality Play for the Times (1982)
• Netherwood (1983)
• Shepherd on the Rocks (1987)

Draaiboeke

• The Night the Prowler (1978)

Outobiografie

• Flaws in the Glass (1981)
• Memoirs of Many in One (1986)

Bronnelys

• Benét's Reader's Encyclopedia Vyfde uitgawe 2008. HarperCollins Publishers, Inc.

Verdere leesstof

• A Conversation with Patrick White, Australian Writers in Profile, Southerly, No.3 1973
• Barry Argyle, Patrick White, Writers and Critics Series, Oliver and Boyd, Londen, 1967
• Peter Beatson, The Eye in the Mandala, Patrick White: A Vision of Man and God, Barnes & Noble, Londen, 1976
• John Docker, Patrick White and Romanticism: The Vivisector, Southerly, No.1, 1973
• Simon During, Patrick White, Oxford University Press, Melbourne, VIC, 1996.
• Michael Wilding, Studies in Classic Australian Fiction, Sydney Studies in Society and Culture, 16, 1997
• Ian Henderson en Anouk Lang (reds.) Patrick White Beyond the Grave, Anthem Press, 2015
• Helen Verity Hewitt, Patrick White and the Influence of the Visual Arts in his Work, Doktorale Proefskrif, Dept. van Engels, Universiteit van Melbourne, 1995.
• Holland, Patrick (27 Mei 2002). "Patrick White (1912–1990)". glbtq.com. Geargiveer vanaf die oorspronklike op 14 Augustus 2007. Besoek op 21 Junie 2007.
• Clayton Joyce (red.) Patrick White: A Tribute, Angus & Robertson, Harper Collins, North Ryde, 1991.
• Brian Kiernan, Patrick White, Macmillan Commonwealth Writers Series, The Macmillan Press, Londen, 1980.
• Alan Lawson (red.) Patrick White: Selected Writings, University of Queensland Press, St. Lucia, 1994
• David Marr, Patrick White – A Life, Random House Australia, Sydney, 1991.
• David Marr (red.), Patrick White Letters, Random House Australia, Sydney, 1994.
• Irmtraud Petersson, ‘'New "Light" on Voss: The Significance of its Title, World Literature Written in English 28.2 (Herfs 1988) 245-59.
• Laurence Steven, Dissociation and Wholeness in Patrick White's Fiction, Wilfrid Laurier University Press, Ontario, 1989.
• Elizabeth McMahon, Brigitta Olubas. Remembering Patrick White : contemporary critical essays, Rodopi, Amsterdam, New York, 2010.
• Denise Varney, Patrick White's Theatre: Australian Modernism on Stage, Sydney University Press, Sydney, 2021.
• Patrick White, Patrick White Speaks, Primavera Press, Sydney, Publisher Paul Brennan, 1989.
• Stephen Michael Sasse, Companion notes to the Aunt's story by Patrick White, WriteLight, 2012.
• Cynthia Vanden Drissen, Writing the nation : Patrick White and the indigene, Rodopi, Amsterdam, New York, 2009.
• William Yang, Patrick White: The Late Years, PanMacmillan Australia, 1995

Eksterne skakels

• Wikimedia Commons het meer media in die kategorie Patrick White.

• Patrick White – Existential Explorer—essay deur Karin Hansson op die amptelike webwerf van die Nobelprys.
• Why Bother With Patrick White?—uittreksels uit White se romans, sowel as 'n reeks kritiese interpretasies van sy werke en persoonlike herinneringe aan White.
• Patrick White reappraised uit die Times Literary Supplement
• pers vrystelling van die Nasionale Biblioteek van Australië betreffende die verkryging van 'n aansienlike versameling van White se persoonlike dokumente en manuskripte.
• aanlyn katalogus van die dokumente en manuskripte wat deur die biblioteek verkry is.
• Gedetailleerde ontleding van White se roman Voss, deur Len Webster.
• Patrick White op Trove
• "Autobiography", Nobel prize
• Patrick White by Find a Grave