Paul Laurence Dunbar

Amerikaanse skrywer

Paul Laurence Dunbar (27 Junie 1872 - 9 Februarie 1906)[1][2][3][4][5] was 'n Amerikaanse skrywer.

Paul Laurence Dunbar
Paul Laurence Dunbar circa 1890.jpg
Paul Laurence Dunbar in ongeveer 1890
Gebore
Paul Laurence Dunbar

27 Junie 1872
Dayton, Ohio, VSA
Sterf9 Februarie 1906 (op 33)
Dayton, Ohio, VSA
NasionaliteitVerenigde State
BeroepDigter en skrywer

BiografieWysig

Dunbar was die seun van 'n voormalige slaaf van Kentucky. Hy het die hoërskool in Dayton bygewoon, waar hy die enigste Afro-Amerikaner in sy klas was. Een van sy klasmaats was Orville Wright, vir wie se familie Dunbar se ma gewerk het. Reeds tydens sy skooldae het hy 'n literêre talent getoon, was lid van die letterkundekring en het die skoolkoerant geredigeer. Met die ondersteuning van die Wright-broers kon hy sy eerste koerant, The Dayton Tattler, publiseer.

Ná hoërskool het finansiële omstandighede hom gedwing om as hysbakoperateur te werk. Op 'n vergadering van die Western Association of Writers in 1892, het hy op uitnodiging van 'n voormalige skoolonderwyser gedigte voorgedra en het so 'n indruk gemaak dat hy 'n aanbevelingsbrief van die bekende digter James Whitcomb Riley ontvang het. In dieselfde jaar publiseer hy sy eerste digbundel Oak and Ivy. Nadat hy na Chicago verhuis het, het hy Frederick Douglass daar ontmoet.

Dunbar se gedigte het in bekende koerante, soos The New York Times, verskyn. Sy tweede digbundel Majors and Minors (Majors staan vir tekste in standaard Engels en Minors vir tekste in dialek) het so suksesvol geword dat hy op 'n ses maande lange lesingreis na die Verenigde Koninkryk genooi is. Nadat hy na die Verenigde State teruggekeer het, het hy werk by die Biblioteek van die V.S.A. Kongres in Washington D.C. Daar ontmoet en getroud met die skrywer Alice Ruth Moore. ’n Verdere roman en twee digbundels is in Washington geskryf. Verskeie libretto's is ook gedurende hierdie tydperk geskep. Toe Dunbar in 1898 met tuberkulose gediagnoseer word, het hy na Dayton teruggekeer en hom uitsluitlik aan skryf en lesings gewy. In 1902 het hy van sy vrou geskei.

Dunbar het in sy romans en gedigte, dikwels met behulp van dialek, die ervarings van Afro-Amerikaners en die Ou Suide van die Verenigde State geskilder. Sy uiteenlopende taalgebruik het hom in staat gestel om 'n wye gehoor te bereik.

HeengaanWysig

Paul Laurence Dunbar is in Februarie 1906 op die ouderdom van 33 oorlede. Hy is by die Woodland-begraafplaas en Arboretum in Dayton begrawe.

WerkeWysig

  • 1893: Oak and ivy
  • 1903: Lyrics of love and laughter
  • 1905: Lyrics of sunshine and shadow

VerwysingsWysig

  1. https://www.poetryfoundation.org/,Paul[dooie skakel] Laurence Dunbar. Besoek op 02-12-2021, Poetry Foundation, 2021-12-02
  2. https://poets.org/poet/paul-laurence-dunbar ,About Paul Laurence Dunbar, Academy of American Poets, besoek op 02-12-2021.
  3. https://www.britannica.com/biography/Paul-Laurence-Dunbar ,Paul Laurence Dunbar, American writer, Britannica, besoek op 02-12-2021.
  4. https://www.libraries.wright.edu/special/dunbar/biography ,Paul Laurence Dunbar : Biography, Wright State University Libraries, besoek op 02-12-2021.
  5. https://www.encyclopedia.com/people/literature-and-arts/american-literature-biographies/paul-laurence-dunbar , Paul Laurence Dunbar, Encyclopedia.com, besoek op 02-12-2021.

Verdere leeswerkWysig

Eksterne skakelsWysig