PayPal
PayPal Holdings Inc., wat as PayPal handel dryf, is 'n Amerikaanse maatskappy wat wêreldwye aanlyn-betalings en aanlyn-oorbetalings bedryf en dien as 'n elektroniese alternatief vir tradisionele betaalmetodes soos tjeks en geld bestellings. Die maatskappy funksioneer as 'n betalings-fasiliteerder vir aanlynwinkels, veilingswebwerwe en baie ander kommersiële gebruikers, waarvoor dit 'n fooi hef in ruil vir voordele soos een-kliek-transaksies en wagwoordgeheue. Dit is in Desember 1998 deur Elon Musk, Ken Howery, Luke Nosek, Max Levchin en Peter Thiel gestig nadat Musk se X.Com en Levchin, Thiel en Nosek se Confinity saamgemelt het om PayPal te vorm. PayPal is deur eBay op 3 Oktober 2020 bekom vir 'n waarde van $1.5 miljard.
| PayPal | |
 | |
| Tipe | Filiaalmaatskappy |
|---|---|
| Gestig | Desember 1998 |
| Hoofkantoor | San Jose, Kalifornië, Verenigde State |
| Sleutelpersone | John Donahoe (voorsitter) Dan Schulman (hoofuitvoerendebeampte) |
| Gebied bedien | Wêreldwyd |
| Industrie | Internet |
| Produkte | Kredietkaarte, betaalstelsels |
| Inkomste |  $10,84 miljard (2016)[1] |
| Bedryfsinkomste | $1,586 miljard (2016)[1] |
| Netto inkomste | $1,401 miljard (2016)[1] |
| Werknemers | 18 100 (2016)[1] |
| Moedermaatskappy | eBay (2002–2014) |
| Dogter- maatskappye | Braintree Paydiant Venmo PayPal Credit Xoom Je |
| Webwerf | paypal.com |
| PayPal | |
|---|---|
| Tipe webblad | Finansieel |
| Taal(e) | Veeltalig (Afrikaans word nie ondersteun nie) |
| Registrasie | Verpligtend |
| Huidige status | Aktief |
| URL | www.paypal.com |
Met behulp van PayPal kan mens betalings vanaf 'n bankrekening of kredietkaart na 'n epos-adres op die Internet maak. Mens kan ook geld vanaf ander gebruikers ontvang of geld oorplaas na jou persoonlike bankrekening toe.
Onstaan
wysigPayPal was in 1998 begin as Confinity, 'n maatskappy wat sekuriteits-sagteware ontwikkel het vir handtoestelle soos selfone. PayPal was begin deur 6 mense: Max Levchin, Peter Thiel, Luke Nosek, Ken Howery, Yu Pan en Russel Simmons. PayPal was ontwikkel as 'n geldoorplasings diens by Confinity in 1999, befonds deur John Mallor van "BlueRun Ventures".
In Maart 2000, het Confinity met X.com, die aanlyn bankdienste maatskappy wat deur Elon Musk begin is, saamgesmelt. Musk was optimisties oor die toekoms van die geldoorplasings-tegnologie wat Confinity besig was om te ontwikkel. Musk en destydse uitvoerende hoof van X.com, Bill Harris, het egter juis hieroor vasgesit en daarom het Harris die maatskappy verlaat. In Oktober van dieselfde jaar het Musk besluit om die internetbankdienste van X.com te staak en te fokus op die geldoorplasings-tegnologie van PayPal. In dieselfde maand is Musk deur Thiel vervang as uitvoerende hoof van X.com. X.com was hernoem na PayPal in 2001 en die uitvoerende komitee het besluit om PayPal te noteer in 2002. PayPal was genoteer teen $13 per aandeel. Dit het die stigters van PayPal baie ryk gemaak en gelei tot die ontstaan van die PayPal mafia, wat menigte tegnologiese maatskappye (Tesla, SpaceX, LinkedIn, Youtube, Yelp en Yammer) gestig het.
Gebruik in Suid-Afrika
wysigVanaf Junie 2005 kan Suid-Afrikaanse burgers PayPal rekeninge oopmaak, en selfs betalings aan ander stuur.[2] Sedert 2010 kan Suid-Afrikaanse burgers geld ontvang deur die vennootskap tussen PayPal en FNB. In November 2011 was daar reeds 500,000 PayPal rekeninge in Suid-Afrika.
Verwysings
wysig- ↑ 1,0 1,1 1,2 1,3 "2015 Form 10-K, Visa Inc" (in Engels). United States Securities and Exchange Commission. Geargiveer vanaf die oorspronklike op 11 Junie 2017. Besoek op 23 April 2017.
- ↑ PayPal webwerf PayPal Offerings Worldwide om na jongste stand navraag te doen.
Eksterne skakels
wysig
Wikimedia Commons het meer media in die kategorie PayPal.- (en) Amptelike webwerf
