Pedro Almodóvar
Pedro Almodóvar Caballero (Spaanse uitspraak: peðɾo almoˈðoβaɾ kaβaˈʝeɾo); gebore op 25 September 1949),[1] professioneel bekend as Pedro Almodóvar, is 'n Spaanse rolprentmaker, regisseur, draaiboekskrywer en voormalige akteur. Hy het bekendheid verwerf as 'n regisseur en draaiboekskrywer gedurende La Movida Madrileña, die kulturele renaissance wat gevolg het op die einde van die bewind van Francisco Franco. Sy eerste paar rolprente het die gevoel van seksuele en politiese vryheid van die tydperk gekarakteriseer. In 1986 het hy sy eerste rolprentmaatskappy, El Deseo, saam met sy jonger broer, Agustín Almodóvar, gestig, welke entiteit verantwoordelik is vir die produksie van al Almodóvar se rolprente sedertdien die rolprent Law of Desire (1987).
| Pedro Almodóvar Caballero | |
| |
| Geboorte | 25 September 1949 |
|---|---|
| Nasionaliteit | Spanje |
| Beroep(e) | Draaiboekskrywer, regisseur, akteur |
Almodóvar het internasionale erkenning verkry met sy swart komedie-drama rolprent Women on the Verge of a Nervous Breakdown, (1988) wat genomineer was vir 'n Oscar vir Beste Rolprent in 'n Buitelandse Taal. Hy het aangegaan om meer sukses te behaal met die donker romantiese komedie Tie Me Up Tie Me Down (1990) wat genomineer was vir 'n Oscar vir Beste Rolprent in 'n Buitelandse Taal, die melodrama High Heels (1991) en die romantiese drama-riller Live Flesh (1997). Sy volgende twee rolprente het elk 'n Oscar verower: All About My Mother (1999) het die prys vir Beste Rolprent in 'n Buitelandse Taal gewen terwyl Hable con ella (Afrikaans: Praat met Haar) aan hom die Oscar vir die Beste Oorspronklike Draaiboek besorg het. Almodóvar het dié sukses opgevolg met die drama Volver (2006), die romantiese riller Los abrazos rotos (Afrikaans: Gebroke Omhelsing) (2009), die sielkundige riller The Skin I Live In (2011) en die dramas Julieta en Pain and Glory (2019), welke almal in kompetisie was vir die Palme d'Or by die Cannes Filmfees. Sy rolprente word gekarakteriseer deur die gebruik van sekere akteurs, aktrises en kreatiewe personeel, ingewikkelde storielyne, melodrama, oneerbiedige humor, sterk kleure en blink dekor en bekleedsel. Begeerte, passie, familie en identiteit is sommige van Almodóvar se mees ooglopende temas.
Hy is bekroon as een van die mees suksesvolste internasionale Spaanse rolprentmakers en Almodóvar se rolprente het wêreldwye belangstelling ontwikkel asook 'n kult aanhang verkry. Hy het twee Oscars, vyf BAFTA toekennings, ses Europese Filmtoekenniings, twee Golden Globe toekennings, nege Goya-pryse en vier pryse tydens die Cannes Filmfees gewen. In 1997 het Almodóvar die Franse Erelegioen ontvang, gevolg deur die Goue Medalje van Verdienstelikheid in die Fyn Kunste in 1999. Hy was in 2001 verkies as 'n Buitelandse Honorêre Lid van die Amerikaanse Akademie van Kuns en Wetenskappe [1] en het in 2009 'n ere-doktorsgraad van Harvard-universiteit ontvang,[2] bykomend tot 'n ere-doktorsgraad van die Universiteit van Oxford in 2016.[3] vir sy bydrae tot die kunste. In 2013 het hy 'n honorêre Europese Rolprentakademie Prestasie in Wêreldteater ontvang.[4] In Januarie 2017 was hy genoem as President van die Jurie vir die 2017 Cannes Rolprentfees.[5]
Notas
wysig| Hierdie artikel is in sy geheel of gedeeltelik vanuit die Engelse Wikipedia vertaal. |
Verwysings
wysig- ↑ 1,0 1,1 "Book of Members, 1780-2010: Chapter A" (PDF). American Academy of Arts and Sciences. Besoek op 15 April 2011.
- ↑ Ten honorary degrees awarded at Commencement | Harvard Gazette. News.harvard.edu. Retrieved on 2014-05-22.
- ↑ Luis Martínez (29 Maart 2016). "Pedro Almodóvar, doctor honoris causa por Oxford | Cultura | EL MUNDO". Elmundo.es (in Spaans). Geargiveer vanaf die oorspronklike op 4 Oktober 2019. Besoek op 12 Mei 2016.
- ↑ "Winners 2013". European Film Awards (in Engels). European Film Academy. Geargiveer vanaf die oorspronklike op 1 September 2019. Besoek op 9 Desember 2013.
- ↑ "Pedro Almodóvar President of the Jury of the 70th Festival de Cannes". Cannes (in Engels). Geargiveer vanaf die oorspronklike op 2 Februarie 2017. Besoek op 31 Januarie 2017.