Die Persiese Ryk was 'n ryk in die Antieke op die gebied van die huidige Iran, wat tussen Thrakië in die noordweste, Egipte in die suidweste en Indië in die ooste geleê het. Dit het bestaan tussen 550 v.C. en 330 v.C. as Achaemenidiese Ryk of Ou-Persiese Ryk, tussen 305 v.C. en 129 v.C. as Seleukidiese Ryk, tussen 204 v.C. en 240 n.C. as die Arsakidiese ryk of Parthiese Ryk en tussen 224 n.C. en 651 n.C. as die Sassanidiese Ryk of Nieu-Persiese Ryk. Die Persiese Ryk was die langjarige konkurrensie van die Griekse stadstate, die Romeinse Ryk en die Bisantynse Ryk. Die Persiese Ryk het geëindig met die uitbreiding van die Islam deur Arabiere en die daaropvolgende Islamisering van die gebied.

Die ondergang van die RykWysig

Dareios I van Persië of Darius soos hy in die Bybel bekend staan, is opgevolg deur sy seun Xerxes I van Persië of Ahasveros. Hy was van plan om sy vader se beoogde verowering van Griekeland uit te voer. Hy het byna daarin geslaag maar is in 481 v. C. deur die Atheners verslaan. Xerxes is in 465 v.C. vermoor.

Na die moord op Xerxes het die Persiese Ryk vinnig agteruitgegaan.'n Eeu van volslae wanorde het gevolg en in 331 v.C. het Alexander die Grote die Perse vernietigend verslaan in die Slag van Gaugamela.

Codomannus (Darius III),die laaste koning van Persië , het gevlug. Hy het op die pad na Baktrië omgekom. Die Persiese Ryk het dus uiteindelik in die hande van sy mees gedugte vyand, Griekeland, geval.

Sien ookWysig

BronnelysWysig