Peter Norman

Peter Norman

mens

Geslag	manlik
Land van burgerskap	Australië
Naam in moedertaal	Peter George Norman
Gegewe naam	Peter
Familie naam	Norman
Geboortedatum	15 Junie 1942
Geboorteplek	Melbourne
Sterfdatum	3 Oktober 2006
Sterfplek	Williamstown
Manier van dood	natuurlike oorsake
Doodsoorsaak	hartaanval
Beroep	atletiek mededinger, naelloper
Alma mater	The Southport School
Werksperiode (begin)	1968
Sport	atletiek
Record held	Q131401622, Q131401750
Deelgeneem aan	Olimpiese Somerspele 1968
Lid van	Heilsleër
Pryse ontvang	Sport Australia Hall of Fame, Australian Sports Medal, Athletics Australia Hall of Fame, Ludwig Erhard Prize for Publications in Economics

Peter Norman (* 15 Junie 1942 – 3 Oktober 2006) was 'n Australiese atleet.

Hy het die silwermedalje in die 200 meter by die 1968 Olimpiese Somerspele in Mexikostad gewen, met 'n tyd van 20.06 sekondes, wat die Oseanië 200 m-rekord vir meer as 56 jaar gebly het. Die rekord is op 2024.12.07 deur Gout Gout verbeter. Norman was 'n vyfmalige nasionale 200 meter-kampioen.

Norman is welbekend as een van die drie atlete in die beroemde Olimpiese Spele se protessaluutfoto van 1968 wat tydens die medalje-seremonie vir die 200-meter-byeenkoms geneem is. Hy het geweet die saluut sou plaasvind en het 'n kenteken van die Olimpiese Projek vir Menseregte gedra ter ondersteuning van mede-atlete John Carlos en Tommie Smith.

1968 Olimpiese Somerspele

Die 200 meter-byeenkoms by die 1968 Olimpiese Spele het op 15 Oktober begin en op 16 Oktober geëindig; Norman het sy uitdun in 'n tyd van 20.17 sekondes gewen, wat kortliks 'n Olimpiese rekord was. Hy het sy kwarteindstryd gewen en was tweede in die halfeindstryd.

Die oggend van 16 Oktober het die Amerikaanse atleet Tommie Smith die 200-meter-eindstryd gewen met 'n wêreldrekordtyd van 19.83 sekondes. Norman het tweede geëindig in 'n tyd van 20.06 s nadat hy die Amerikaanse atleet John Carlos by die wenstreep verbygesteek het. Carlos het 20.10 s gehardloop.