Peterbald

	Peterbald
Alternatiewe naam	Petersburgse sfinks
Land	Rusland
Ontstaan	Kruisras
Soort lyf	Oosters
Pels	Haarloos
Patroon	Alle
	Wetenskaplike naam
	Felis catus (huiskat)
Portaal	Katte

Die Peterbald (Russies: Петерболд, петербургский сфинкс) is ’n haarlose katras van Russiese oorsprong.

Geskiedenis

’n Lila Peterbald-wyfie.

Die Peterbald is in die laaste helfte van 1994 in Sint Petersburg, Rusland, geskep in ’n eksperimentele paring van ’n Don-sfinks en ’n Oosterse korthaarkat deur die teler Olga S. Mironowa. Die eerste twee werpsels het vier Peterbald-katjies opgelewer en hulle word beskou as die stamouers van die ras.

In 1996 is die kat deur die Russiese Katvereniging aanvaar, die volgende jaar deur The International Cat Association (TICA) en in 2003 deur die World Cat Federation (WCF). Die Amerikaanse Cat Fanciers Association (CFA) het dit in 2009 aanvaar vir kampioenskap-mededinging.

Deesdae word die kat ontwikkel in die rigting van moderne Oosterse en Siamese tipes – dus met lang snoete, groot ore wat ver uitmekaar sit, plat wangbene en ’n elegante lyf op lang bene. Alle standaarde vir die ras moedig dus paring met Oosterse en Siamese katte aan, asook tot in 2005 met halflanghaar-weergawes van hulle soos die Balinese kat en Javanese kat.

Beskrywing

Peterbalds het ’n elegante en sterk bou. Hulle het lang, nou koppe, amandelvormige oë, ’n wigvormige snoet en groot oë wat ver uitmekaar sit. Hulle het ’n lang stert, gewebde tone en ovaal pote. Hulle lyk nogal soos Oosterse korthaarkatte. Hulle kan sonder of met hare gebore word, maar laasgenoemde katte kan hul hare mettertyd verloor. Hulle kan enige kleur of patroon hê.

Hulle is liefdevol, sagmoedig, nuuskierig en energiek. Hulle volg hul eienaars rond en kom goed oor die weg met kinders en ander katte en troeteldiere.

Sien ook

Lys van katrasse

Eksterne skakels

Suider-Afrikaanse standaarde Geargiveer 8 Januarie 2013 op Wayback Machine
Wikimedia Commons het meer media in die kategorie Peterbald.
Hierdie artikel is vertaal uit die Engelse Wikipedia