Geelstreepboskruiper

Die geelstreepboskruiper (Phyllastrephus flavostriatus) is 'n gelokaliseerde algemene standvoël in woude se middelstrata en blaredak. Die voël staan ook bekend as die Geelstreeptiptol en in Engels as die Yellow-streaked bulbul. Die spesie kom voor in verskeie Afromontane woudkolle aan die oostekant van Suid-Afrika, en noordwaarts in soortgelyke Afromontane bergwoude.

Geelstreepboskruiper
Te New Agatha-plantasie, Limpopo
Bewaringstatus
Veilig  (IUCN 3.1)
Wetenskaplike klassifikasie
Domein:	Eukaryota
Koninkryk:	Animalia
Filum:	Chordata
Klas:	Aves
Orde:	Passeriformes
Familie:	Pycnonotidae
Genus:	Phyllastrephus
Spesie:	P. flavostriatus
Binomiale naam
Phyllastrephus flavostriatus
verspreiding

Voorkoms

Die voël is 18 tot 20 cm lank en weeg 22 tot 38 gram. Die borskant is lig en die snawel lank en dun. Die dowwe geel borsstrepe is net van naby en in goeie lig sigbaar. Die oë wissel van wit tot grysbruin.

Identifikasie

Die voël is aansienlik groter as die kleinboskruiper maar word die beste uitgeken aan sy manier van vreet: hy kruip teen takke op, pik insekte van blare af en flits aanhoudend een vlerk op 'n slag.

Hulle kom in groepe van vyf tot ses voor, en roep gereeld.

Sien ook

• Alfabetiese lys van Suid-Afrikaanse voëls
• Lys van Suid-Afrikaanse voëls (Groepeer)
• Lys van Suider-Afrikaanse voëls volgens wetenskaplike name

Bron

• Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7