Pietie Coetzee
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Pietie Coetzee (1978-) is Suid-Afrika se mees ervare vrouehokkiespeler en ’n gedugte doelskieter.[1] Sy het haar internasionale debuut in 1995 op die ouderdom van 16 gemaak, die jongste vrou nóg wat vir Suid-Afrika gespeel het. Teen Junie 2013 het sy reeds in 268 toetse gespeel en 273 doele (’n wêreldrekord) geskiet. Sy het Suid-Afrika reeds by drie Olimpiese Speles verteenwoordig.
Pietie Coetzee | |
|---|---|
 | |
| Gebore | 2 September 1978 |
| Nasionaliteit | Suid-Afrika |
| Beroep | Hokkiespeler |
| Bekend vir | Gedugte doelskieter |
Coetzee is op 2 September 1978 in Bloemfontein gebore en studeer aan die Randse Afrikaanse Universiteit, wat nou as die Universiteit van Johannesburg bekend staan. Sy maak haar debuut vir die Suid-Afrikaanse hokkiespan in 1995 en verteenwoordig haar land by die Olimpiese Spele van 2000 in Australië, 2004 in Griekeland en 2012 in die Verenigde Koninkryk.[2]
Tydens die Hokkie-wêreldbeker van 2002 in Perth was sy met nege doele die top puntemaker van die toernooi. Desondanks eindig Suid-Afrika in die 13de plek. In 1997 en 2002 is sy as Suid-Afrika se hokkiespeler van die jaar aangewys.
Op 21 Junie 2011 word sy die voorste doelskieter in internasionale vrouehokkie met haar derde van vier doele, waartydens haar span met 5-5 gelykop teen die Verenigde State in die Kampioenuitdaging in Dublin speel. Dit het haar kerf tot 221 doele opgestoot en die 20-jarige wêreldrekord van Rusland se Natalya Krasnikova verbeter.
Internasionale senior toernooie
wysig- 1995 – Afrika Spele (All Africa Games), Harare
- 1998 – Wêreldbeker, Utrecht
- 1998 – Statebondspele, Kuala Lumpur
- 1999 – Afrika Spele, Johannesburg
- 2000 – Kampioene Trofee, Amstelveen
- 2000 – Olimpiese Spele, Sydney
- 2002 – Kampioenuitdaging, Johannesburg
- 2002 – Statebondspele, Manchester
- 2002 – Wêreldbeker, Perth
- 2003 – Afrika Spele, Abuja
- 2003 – Afro-Asiatiese Spele, Hyderabad
- 2004 – Olimpiese Spele, Athene
- 2005 – Kampioenuitdaging, Virginia Beach
- 2012 − Olimpiese Spele, Londen
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ "Pietie Coetzee at sports-reference.com". www.olympic.org (in Engels). IOC. Geargiveer vanaf die oorspronklike op 18 April 2020. Besoek op 21 Oktober 2014.