Port Beaufort

Port Beaufort is 'n dorpie by die mond van die Breederivier in die Wes-Kaap, Suid-Afrika.

Port Beaufort
Dorpie
Die Barrykerk van Port Beaufort
Port Beaufort  Port Beaufort se ligging in Wes-Kaap
Koördinate: 34°23′45″S 20°49′25″O
Land	Suid-Afrika
Provinsie	Wes-Kaap
Distrik	Tuinroete
Munisipaliteit	Hessequa
Oppervlak
• Totaal	2,71 km2 (1,05 vk. myl)
Bevolking  (2011)
• Totaal	321
• Digtheid	118/km2 (310/vk. myl)
Rasverdeling (2011)
• Wit mense	87,2%
• Bruin mense	2,2%
• Swart mense	9,7%
• Ander	0,9%
Taal (2011)
• Afrikaans	72,3%
• Engels	26,0%
• Ander	1,7%

Geskiedenis

Die dorpie is vernoem na die hertog van Beaufort, die vader van die Kaapse Goewerneur, lord Charles Somerset. Joseph Barry se handelsryk het 'n groot invloed op die dorp gehad. Barry het in 1819 vanaf Londen in Suid-Afrika aangekom. Hy het vinnig gesien dat hy met skepe en bote goedere vinniger tussen Kaapstad en die Overberg kan vervoer. Dit het die ossewaens tot drie weke geneem om die tog tussen Kaapstad en Swellendam te voltooi. Barry het onmiddellik 'n hawe op die noordelike oewer gebou van die Breederivier wat Port Beaufort geword het.

As bote eers oor die sandbank by die mond van die rivier kon kom, kon hulle vir 40 km op die rivier vaar tot by Malgas. Barry het ook by Malgas 'n kaai en pakhuis gebou. Nadat baie skepe by die monding van die rivier gesink en hulle vrag verloor het, het Barry die Kadie, 'n stoomskip van 150 ton in Skotland laat bou. Sy nooiensvaart was op 26 September 1859. Vir die volgende ses jaar het die Kadie suksesvol deur die monding gevaar maar egter op 17 November 1865 op die suidelike oewer op die rotse geloop en vergaan. Barry se ryk het die volgende jaar ineengestort. Die koms van spoorlyne het hierdie seeroete tot 'n einde laat kom.

Die dorpie Witsand is net so entjie van Port Beaufort.

Sien ook

• Lys van dorpe in Suid-Afrika

Bronne

• Op Pad in Suid-Afrika. B.P.J. Erasmus. 1995. ISBN 1-86842-026-4

Eksterne skakels

• Wikimedia Commons het meer media in die kategorie Port Beaufort.