Pous Marcellinus

Marcellinus was die 29ste pous van die Rooms-Katolieke Kerk.

Pous Marcellinus
Geboortenaam	Marcellinus
Pontifikaat begin	30 Junie 296
Pontifikaat eindig	24 of 25 Oktober 304
Voorganger	Gajus
Opvolger	Marcellus I
Gebore	Rome, Italië
Sterf	24 of 25 Oktober 304 Rome, Italië

Biografie

Pous Marcellinus was 'n Romein van geboorte, die seun van Projectus. Op 30 Junie 296 volg hy Pous Gajus op en regeer tot sy dood op 24 of 25 Oktober 304. Hy word opgevolg deur Pous Marcellus I. Die naam ‘Marcellinus’ is 'n Romeinse familienaam afgelei van Marcellus wat 'n troetelnaam is vir Marcus.

Pontifikaat

Daar word beweer (waarskynlik onwaar) dat Marcellinus gedurende die vervolging van keiser Diocletianus sy geloof versaak het, maar later berou getoon het. Pous Damasus beweer dat hy onthoof is in 'n bos saam met 'n sekere Petrus. Gedurende sy pontifikaat het Armenië die eerste amptelike Christelike nasie geword in 301.

Verering

Pous Marcellinus word as heilige en martelaar vereer, hoewel sy status as martelaar twyfelagtig is. Die presiese sterfdatum is twyfelagtig, sowel 1 April as 30 September word genoem. Sy feesdag en die van Petrus wat saam met hom vermoor sou wees is op 2 Junie.

Verwysings

• Davis, R. (2001) Book of the Pontiffs (English Translation of the Liber Pontificalis) Liverpool University Press. ISBN 0-85323-545-7

Eksterne skakels

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• CE Inskrywing in die Catholic Encyclopedia (Engels)

Nota

Saamgestel uit die Nederlandse, Engelse, Duitse en Franse wiki’s.

Opvolging

Voorafgegaan deur Gajus

Biskop van Rome 296 – 304

Opgevolg deur Marcellus I