Presolêre korrel

Presolêre korrels is klein stofdeeltjies wat gevorm word wanneer heet gasse wat deur rooireuse of supernovas vrygestel word afkoel en kondenseer tot vastestowwe. Hoewel die meeste van sulke stofdeeltjies in die vorming van die sonnestelsel verloor is, kan hulle in sommige primitiewe meteoriete nog aangetref word.

Meteorietkorrels

Presolêre korrels bestaan uit vastestowwe wat by hoë temperatuur uit gasse gevorm kan word soos silikonkarbied, grafiet, aluminiumoksied of silikonnitried. Die korrels is gewoonlik nie groter as 1 μm nie en word ingesluit in primitiewe meteoriete soos chondriete aangetref. Die koms van nanoSIMS het dit moontlik gemaak om van hierdie klein korreltjies isotoopverhoudings te bepaal Hierdie verhoudings kan baie verskil van wat gewoonlik hier op aarde aangetref word. Die studie hiervan gee belangrike inligting oor die kosmochemie van supernovas en rooireuse.

GEMS

Wat moontlik nog ouer is, is die klein stofdeeltjies wat GEMS (Glass with Embedded Metal and Sulfides) genoem word. Hulle kan deur vliegtuie op groot hoogte in silikonolie gevang word voor hulle in die atmosfeer verbrand. Hulle is nooit tot 'n meteoriet saamgepak nie of kom moontlik uit die kouer dele van die sonnestelsel en die komete. Goldblatt hulle het opgemerk dat die term 'presolêr' dalk beter deur 'prenefelies' vervang kan word, omdat hierdie materiaal moontlik nog uit die supernovawolk afkomstig is voor dit 'n planetêre newel gevorm het. In hulle chronologie het meteoriete later, in die Hiperitium gevorm.