Pulptydskrif
Pulptydskrifte was goedkoop fiksietydskrifte wat van 1896 tot die laat 1950's verskyn het. Die term "pulp" verwys na die houtpulp wat gebruik is om die goedkoop papier te maak waarop hulle gedruk is, in teenstelling met die glanspapier van tydskrifte van goeie gehalte. Die tipiese pulptydskrif was 128 bladsye dik; dit was 18 cm breed en 25 cm lank, met rowwe rande.
Hoewel baie gerespekteerde skrywers vir die pulptydskrifte geskryf het, was die tydskrifte veral bekend vir hulle sensasionele inhoud, al het dit eintlik 'n klein deel daarvan uitgemaak. Moderne strokiesverhale van superhelde word soms beskou as die opvolgers van pulptydskrifte, want pulptydskrifte het dikwels stories oor helde ingehad, soos The Spider, Flash Gordon en Doc Savage.
Die term pulpfiksie is afgelei van die woord pulptydskrif. Dit verwys na letterkunde van lae gehalte. Die opvolgers van pulptydskrifte sluit in fotoverhaalboekies, speurverhale en erotiese fiksie.[1][2]
Verwysings
wysig- ↑ Romney, Rebecca (6 April 2018). "When Classic Detective Novels Became Sexy Pulps". CrimeReads. Besoek op 23 Julie 2023.
- ↑ Sharp, Sarah Rose (4 Augustus 2021). "The Erotic Nostalgia of Lesbian Pulp Fiction". Hyperallergic. Besoek op 23 Julie 2023.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
