QV44
QV44 is een van verskeie grafkelders in die Vallei van die Koninginne wat bedoel was vir gebruik deur Ramses III se seuns. Die geverfde reliëfs in Chaemwaset se grafkelder illustreer die rituele en simboliese reis in die hiernamaals terwyl hy die hoofgode van dié streek ontmoet sowel as die geniusse wat die poorte van die koninkryk van Osiris bewaak.
| QV44 | ||
| Die grafkelder van Chaemwaset (Ramses III se seun) | ||
| ||
| QV44 met sy ontdekking in 1903. | ||
| Ligging | Vallei van die Koninginne | |
| Land |  Egipte
| |
| Ontdek | 1903 | |
← Vorige QV43 Volgende →
QV45 | ||
Ander grafkelders vir Ramses III se seuns is QV55 (Amoen-her-chepesjef), QV53 (Ramses), QV43 (Set-her-chopsef en QV42 (Pareherwenemef). Abitz meen die prinse word verbind met die vier seuns van Horus en is almal regte seuns van die koning. Die versierings in dié grafkelders fokus meer op die koning as op sy seuns.[1]
Uitleg
wysigDie grafkelder bestaan uit 'n gang, twee sykamers, nog 'n gang en 'n binnekamer. Die eerste deel van die gang wys koning Ramses III voor 'n verskeidenheid gode en godinne, insluitende Ptah, Thoth, Anoebis, Ra-Harackhti en Geb.[2]
Die sykamers sluit tonele in van die seuns van Horus en die godinne Isis, Nephtys, Neith en Serket.[2] In die tweede gang is onder meer tonele uit die Boek van Poorte.[2]
Verwysings
wysig- ↑ K. A. Kitchen, Review of Ramses III in den Grabern seiner Sohne. By Friedrich Abitz. Orbis Biblicus et Orientalis, in The Journal of Egyptian Archaeology, Vol. 76 (1990), pp. 239–40
- ↑ 2,0 2,1 2,2 Porter, Bertha and Moss, Rosalind, Topographical Bibliography of Ancient Egyptian Hieroglyphic Texts, Statues, Reliefs and Paintings Volume I: The Theban Necropolis, Part 2. Royal Tombs and Smaller Cemeteries, Griffith Institute. 1964, pp. 754–55
Skakels
wysig- Theban Mapping Project – Plan van die grafkelder en ander besonderhede.
Wikimedia Commons het meer media in die kategorie QV44.
Hierdie artikel is in sy geheel of gedeeltelik uit die Engelse Wikipedia vertaal.
