Raskovnik

Raskovnik (Serwies: Расковник) is ’n plant in die Serwiese en ander Slawiese mitologieë. Volgens Vuk Stefanovic Karadzic se woordeboek is dit:

’n (dalk denkbeeldige) gras wat enige slot homself sou laat oopsluit het as dit daaraan geraak het.^[1]

Hoewel mense weet dat raskovnik bestaan, kan niemand wys hoe dit lyk nie.^[2] Daar is verskeie maniere om dit te vind: Karadzic het aangeteken dat ’n handelaar in Zemun wat dit wou vind, ’n ou vrou in beenysters toegesluit het en haar snags na ’n veld laat loop het; as die ysters hulleself oopgesluit het, was dit ’n teken dat raskovnik daar groei.^[2] ’n Ander metode het vereis dat ’n ystervark (soms ’n skilpad) in ’n boks toegesluit word. Die ma sou dan raskovnik vind en die boks daarmee oopsluit; maar ’n mens moes gou spring, want die ystervark sou die plant insluk sodra sy dit gebruik het.^[2]

Daar is geglo dat skatte, veral dié van tsaar Radovan, so gesluit sou word dat net raskovnik dit sou kon oopsluit – daarom was skattejagters altyd op die uitkyk vir die plant.^[2]

Verwysings

Hierdie artikel is merendeels vertaal vanaf die Engelse Wikipedia-artikel en:Raskovnik

↑ Soos aangehaal in Miljkovic, Branko. Изабране песме. Geargiveer vanaf die oorspronklike op 23 Maart 2009. Besoek op 6 September 2006.
↑ ^2,0 ^2,1 ^2,2 ^2,3 Kulišić, Š.; Petrović, P. Ž.; Pantelić, N. "Расковник". Српски митолошки речник (in Serwies). Belgrado: Nolit. pp. 252–253.

Verdere leesstof

Ljubinko Radenkovic. "Расковник у кругу сличних биљака". Geargiveer 25 Junie 2010 op Wayback Machine

[1] Soos aangehaal in Miljkovic, Branko. Изабране песме. Geargiveer vanaf die oorspronklike op 23 Maart 2009. Besoek op 6 September 2006.

[SMR-2] 2,0 ^2,1 ^2,2 ^2,3 Kulišić, Š.; Petrović, P. Ž.; Pantelić, N. "Расковник". Српски митолошки речник (in Serwies). Belgrado: Nolit. pp. 252–253.

[1]

[2]