Reinard Ludick
Reinard De Villiers Ludick (Johannesburg, 20 Maart 1966 - ) was nege jaar lank 'n voltydse Afrikaanse nuusleser op die Kaapse radiostasie Kfm. In 2013 het hy by die nuwe Kaapse radiostasie Smile 90.4FM aangesluit.
Hy is in die Goudstad gebore en studeer aan die destyds Randse Afrikaanse Universiteit, waarna hy sy loopbaan in die uitsaaiwese by die SAUK begin. Nadat hy in die openbare uitsaaier se Johannesburgse, Pretoriase en Kaapse nuuskantoor gewerk het, het hy oorgeskuif na die eerste Afrikaanse geselsradiostasie, Punt. Met die sluiting van dié stasie het hy in 2001 by Kfm gaan werk as Afrikaanse middagnuusleser tot November 2010. Ná 'n twee jaar lange blaaskans begin hy in Januarie 2013 as nuusleser en omroeper by 'n nuwe tweetalige Kaapse radiostasie werk, Smile 90.4 FM.
Sy stokperdjies sluit in gholf, fliek en reis.