Remote Installation Services

Remote Installation Services is 'n Microsoft bediener produk wat rekenaars met 'n PXE BIOS in staat stel om oor 'n netwerk te laai sodat 'n bedryfstelsel daarop ontplooi kan word.

Agtergrond

Wanneer 'n werkstasie, wat opgestel is om vanaf PXE te laai, met die laaiproses begin sal dit 'n BOOTP versoek oor die netwerk uitstuur. Die DHCP-bediener wat die versoek ontvang sal dan 'n IP-adres aan daardie masjien verskaf en die DNS-Bediener sal die kliëntrekenaar na die RIS-bediener verwys wat op sy beurt 'n laaiprogram (dikwels na verwys as die "OS Chooser") sal aanstuur. Wanneer die OS Chooser gelaai is moet die gebruiker sy identiteit bevestig deur 'n gebruikersnaam en wagwoord aan die Domeinbeheerder te stuur en kan hy 'n Windows-beeld kies om te installeer. Die bronlêers vir elke beeld kan pasgemaak word deur nutsprogramme om dit op datum te bring, om installasies sonder toesig uit te voer en om sagteware saam met die bedryfstelsel te laai.

Geskiedenis

Remote Installation Services is saam met Windows 2000 vrygesntel as 'n opsionele komponent. Aanvanklik het dit slegs die verspreiding van die Windows 2000 Proffesional weergawe ondersteun maar is met Service Pack 3 uitgebrei om die netwerkinstallasie van Windows 2000 Server ook moontlik te maak.^[1] RIS is later twee keer opgedateer; eerste om Windows XP te ondersteun en later ook om Windows Server 2003 te ondersteun. Met die vrystelling van Service Pack 2 vir Windows Server 2003 is RIS vervang met Windows Deployment Services.

Oorsig

Op Windows 2003 word twee dienste vereis om netwerkinstallasies te ondersteun: DHCP en die Remote Installation Service. Die installasiebediener tree op as 'n DHCP-instaanbediener om laai- en lêernaainstruksies aan die kliënte te verskaf. RIS gebruik UDP-poort 4011.^[2] om die inhoud van OS Chooser se blaaie aan te stuur. Verder kan die diens ook drywersagteware aan kliënte verskaf; dit word ook dikwels gebruik om die werkstasie se netwerkkaartdrywer te verskaf wat vereis word om OS Chooser te loop en om die gedeelde lêer, waar die Windows-beeld lê, te monteer.

Verwysings

↑ Unable to Create Windows 2000 Server Image on RIS Server prior to SP3
↑ http://support.microsoft.com/kb/832017 – Service overview and network port requirements for the Windows Server system, Microsoft Inc.

Eksterne skakels

Windows 2000 RIS stap-vir-stap gids
PXE laai van Linux vanaf Microsoft RIS Geargiveer 18 Februarie 2009 op Wayback Machine – hoe om Linux, MS-DOS ensovoorts te laai vanaf RIS
RIS op Linux – alle platforms – OpenSource RIS
RIS op Linux – hoe om Windows te installeer deur van RIS op Linux gebruik te maak
RIS en Windows 98 Gebruik van Windows 2000 Remote Installation Service om Windows 98 te ontplooi.
Die BINL protokol verduidelik

[1] Unable to Create Windows 2000 Server Image on RIS Server prior to SP3

[supportms4011-2] ttp://support.microsoft.com/kb/832017 – Service overview and network port requirements for the Windows Server system, Microsoft Inc.

[1]

[2]