Resolusie 418 van die VN se Veiligheidsraad

Die ARA Drummond (voorheen SAS Good Hope), 'n D'Estienne d'Orves-klas korvet wat nie aan Suid-Afrika verkoop kon word nie.

Die Verenigde Nasies se Veiligheidsraad Resolusie 418, eenparig aangeneem op 4 November 1977, het 'n verpligte wapenverbod teen Suid-Afrika opgelê. Hierdie resolusie het verskil van die vorige Resolusie 282, wat slegs vrywillig was. Die sanksies was daarna strenger toegepas en is ook uitgebrei deur Resolusie 591.

ImpakWysig

Die verbod het 'n direkte impak gehad op die volgende gebeure:

  • Laaste minuut kansellasie van die verkoop van D'Estienne d'Orves-klas korvette en Agosta-klas duikbote deur Frankryk.[1]
  • Die aankoop van Saar 4 klas missielbote van Israel, waarvan sommige later in die geheim in Suid-Afrika gebou is.
  • Suid-Afrika se onvermoë om moderne vegvliegtuie aan te koop om die lugsuperioriteit van Kubaanse MiG-23s teenoor die SALM te verbreek in die Suid-Afrikaanse Grensoorlog.[2]
  • Die groei van die hedendaagse multi-miljard dollar Suid-Afrikaanse wapenbedryf.
  • Die staking van die Verenigde State se versending van verrykte uraanbrandstof vir Suid-Afrika se SAFARI-1 navorsingskernreaktor.[3]

VerwysingsWysig

  1. Andre Wessels (20 April 2007). “The South African Navy During The Years of Conflict In Southern Africa, 1966–1989”. Besoek op 2008-05-12.
  2. Hilton Hamann (2001). Days of the Generals. South Africa: Zebra. pp. p99. ISBN 1-86872-340-2. Besoek op 2008-05-12.AS1-onderhoud: Ekstra teks (link)
  3. David Albright (Julie 1994). “South Africa and the Affordable Bomb”. Bulletin of Atomic Scientists: 37–47.