Richardis
Richardis of Richgard(is) (* 840; † 18 September 900 in Andlau) was die vrou van Keiser Karel III.
| Sint Richardis | |
|---|---|
 Richardis se doodskis in die Abdei Andlau | |
| Heilige Romeinse Keiserin | |
| Gebore | ca. 840, |
| Sterfte | 18 September, ca. 895, Andlau, Elsas |
| Vereer in | Oosters-Ortodokse Kerk Rooms-Katolieke Kerk |
| Pelgrimsoord | Andlau-abdy |
| Feesdag | 18 September |
| Attribute | geklee in keiserlike klere met kroon en palm, omring deur vlamme; geklee soos 'n non, met kroon opsy gelê, en brandende stukke hout, sowel as 'n beer en 'n ploegskaar |
| Beskermheilige | Andlau; beskerming teen vuur |
Sy was die dogter van die Elsasiese graaf Erchanger van die familie van die Ahalolfinger en is in 862 met Karel III getroud. Saam met hom is sy in 881 tot Romeinse Keiserin gekroon. Die huwelik het kinderloos gebly. 887 word sy van egbreuk met die Kanselier Liutward van Vercelli beskuldig wat waarskynlik deel van 'n politieke intrige was. In 880 het sy haar toe in die Klooster van Andlau teruggetrek, wat deur haar vader gestig is. Sy het tot haar dood daar gebly (tussen 894 en 909) en is ook daar begrawe. Sy was van 877 tot 893 Abdis van die vroueklooster van Säckingen en tussen 878 en 893 ook die Abdis van die Fraumünsterabdy in Zürich. Beide kloosters het aan die keiser behoort. Haar man het vir haar 'n lewenslange vruggebruik op albei toegeken, sowel as op die kloosters van Sint Marinus in Pavia en die klooster in Zurzach.
Richardis word in die Rooms-Katolieke Kerk as 'n heilige vereer. Haar dag van herdenking is die 18 September.
Literatuur
wysig
Wikimedia Commons het meer media in die kategorie Richardis.- Frank Legl (2003) (in de), Richgard, 21, Berlin: Duncker & Humblot, p. 517, http://daten.digitale-sammlungen.de/0001/bsb00016339/images/index.html?seite=531none; (full text online)
- Ekkart Sauser: Richardis. In: Biographisch-Bibliographisches Kirchenlexikon (BBKL). Band 17, Bautz, Herzberg 2000, ISBN 3-88309-080-8, Sp. 1141–1142. (Artikel/Artikelanfang im Internet-Archive)
- Judith Steinmann: Richardis im Historischen Lexikon der Schweiz 2010
- Wilhelm Wiegand: Richgard. In: Allgemeine Deutsche Biographie (ADB). Band 28, Duncker & Humblot, Leipzig 1889, S. 420 f.
