Rigoletto
Rigoletto is 'n opera in drie bedrywe deur Giuseppe Verdi. Die Italiaanse libretto is deur Francesco Maria Piave geskryf, en is gebaseer op die toneelstuk Le roi s'amuse deur Victor Hugo. Oostenrykse sensors het destyds nog beheer oor die noord-Italiaanse teaters uitgeoefen, en het ernstige besware daaroor gehad. Nogtans kon die opera 'n triomfantelike premiere beleef by die La Fenice-operahuis in Venesië op 11 Maart 1851.
Dit word algemeen beskou as die eerste van die opera-meesterstukke wat Verdi se middel- tot laat-loopbaan sou oplewer. Die tragiese verhaal wentel om die wellustige Hertog van Mantua, sy boggelrug-hofnar Rigoletto, en Rigoletto se aanvallige dogter Gilda. Die opera se oorspronklike titel, La maledizione (Die vloek), verwys na die vervloeking van die hertog en Rigoletto deur 'n howeling wie se dogter deur die hertog verlei is ná Rigoletto se aanmoediging. Die vloek tree in werking wanneer Rigoletto se dogter Gilda op die hertog verlief raak en haar lewe opoffer om hom te red van die sluipmoordenaars wat deur haar vader gehuur is.
Rolverdeling
wysig- Rigoletto, 'n nar – bariton
- Gilda, Rigoletto se dogter – sopraan
- Giovanna, Rigoletto se huishoudster – mezzosopraan
- Hertog van Mantua – tenoor
- Gravin van Ceprano – sopraan
- Graaf van Ceprano – bariton
- Sparafucile, 'n huurmoordenaar – bas
- Maddalena, Sparafucile se suster – mezzosopraan
Bronne
wysig| Wikimedia Commons bevat media in verband met Rigoletto. |
- Budden, Julian (1984). The Operas of Verdi, Volume 1: From Oberto to Rigoletto. London: Cassell. ISBN 0-304-31058-1
- Casaglia, Gherardo (2005). "Rigoletto" Geargiveer 30 Desember 2013 op Wayback Machine. Almanacco Amadeus. Besoek op 20 April 2012 (it) .
- Holden, Amanda (ed.) (2001). The New Penguin Opera Guide, New York: Penguin Putnam, 2001. ISBN 0-14-029312-4
- Kimbell, David (1985). Verdi in the Age of Italian Romanticism. Cambridge: Cambridge University Press Archive. ISBN 0-521-31678-2
- Melitz, Leo (1913) The Opera Goer's Complete Guide. New York: Dodd, Mead