Robinsonpas
Robinsonpas is ‘n pas op die R328-streekroete oor die Outeniquaberge tussen Oudtshoorn in die Klein Karoo en Mosselbaai aan die kus. Die hoogste punt op 859m is 45km van Oudtshoorn. ‘n Maksimum helling van 1:14 word bereik.
| Robinsonpas | |
| |
Uitsig vanaf Robinsonpas op die Outeniekwaberge.
| |
| Ligging | Tussen Oudtshoorn in die Klein Karoo |
|---|---|
| Maksimumhelling | 1:14 |
| Hoogte | 859m |
| Oppervlak | Teer |
| Ingenieur | Thomas Bain |
| Begin in | 1866 |
| Voltooi in | 4 Junie 1869 |
| In | Outeniquaberge |
| Pad | R328 |
Weens ‘n gebrek aan ervaring het die Afdelingsraad van Mosselbaai in 1866 hul eie pogings om by Ruiterbos ‘n pas oor die Outeniquas te bou laat vaar. In Februarie 1867 het Thomas Bain en ‘n span gevangenes die werk van die Afdelingsraad voortgesit, verbeter en die roete op die suidelike helling aangepas. Die pad is met 8km verleng om aan die noordekant by die pad via die Attakwaskloof aan te sluit. Op 4 Junie 1869 is die nuwe pad en pas geopen en vernoem na die inspekteur van openbare werke in die Kaapkolonie, M.R. Robinson. Tussen 1958 en 1962 is die pas aansienlik verbeter en die oppervlakte geteer. Op die suidelike helling is by Bain se roete gehou, maar aan die Klein Karoo-kant is die pad so verlê dat die afstand na Oudtshoorn aansienlik verkort is.
Sien ook
wysigBibliografie
wysig- Erasmus, B.P.J.: Op Pad in Suid-Afrika. Jeppestown: Ball, 2010. ISBN 978-1-86842-149-7
- Ross, Graham: The romance of Cape mountain passes. Kaapstad: Sunbird, 2011. ISBN 978-1-920289-51-5
- Standard Encyclopaedia of Southern Africa, deel 9. Kaapstad: Nasou, 1973. ISBN 0-625-00325-X