Roma Shane Ryan (gebore in Belfast, Noord-Ierland) is 'n skryfster, digter en liriekeskryfster en woon tans in Artane, Dublin, Ierland, met haar eggenoot Nicky Ryan.

Roma Ryan
OorsprongBelfast, Noord-Ierland
GenresNuwe Era
Fantasie
Beroep(e)Liriekeskryfster
AssosiasiesEnya

Ryan is die primêre liriekeskryfster vir die sanger Enya. Enya het eens erken dat Roma Ryan só 'n noodsaaklike rol in die produksie van haar musiek speel dat sy as kunstenaar nie sonder haar sou kon bestaan nie.[1]

Ryan se lirieke vir Enya het al Grammy-toekennings ontvang, en die snit May It Be vir die The Lord of the Rings rolprenttrilogie|The Lord of the Rings-rolprent The Fellowship of the Ring is vir 'n Oscar genomineer.

Haar lirieke kan gehoor word in rolprente soos The Frog Prince (1984), Green Card (1990), L.A. Story (1991), Toys (1992), Cry, the Beloved Country (1995), en Reisei to jônetsu no aida (2001), almal rolprente waarin Enya se musiek gebruik word.

In 2005 het Ryan 'n nuwe taal genaamd Loxian vir Enya se album Amarantine ontwikkel. Die taal is deur J.R.R. Tolkien se Feëtaal geïnspireer. Sy het 'n boek, getiteld Water Shows the Hidden Heart, geskryf om die taal te beskryf.

Roma en Nicky Ryan het twee dogters, Ebony en Persia, wat beide bygedra het tot die kunswerk en uitleg van Enya se 2005-uitgawe.

VerwysingsWysig

Eksterne skakelsWysig