Rosa Parks

swart Amerikaanse burgerregte-aktivis

Rosa Louise McCauley Parks (Tuskegee, 4 Februarie 1913Detroit, 24 Oktober 2005) was 'n swart Amerikaanse burgerregte-aktivis wat internasionale bekendheid verwerf het vir haar rol om die Montgomery busboikot te ontketen. Op 1 Desember 1955 het Parks geweier om haar sitplek in 'n bus prys te gee vir 'n wit passasier nadat die wit afdeling van die bus vol was. Sy was gevolglik gearresteer vir haar minagting van Alabama se rasseskeidingwette, en is ook afgedank van haar werk as kommersiële naaldwerkster omdat haar protesaksie wye publisiteit ontvang het.

Rosa Parks
Rosa Parks, saam met Martin Luther King Jr. in die agtergrond, ongeveer 1955
Gebore
Rosa Louise McCauly

4 Februarie 1913
Sterf24 Oktober 2005 (op 92)
Detroit, Michigan, V.S.A.
NasionaliteitVlag van Verenigde State van Amerika Verenigde State
BeroepBurgerlike regte aktivis
Bekend virMontgomery busboikot
EggenootRaymond Parks (1932-1977)
Handtekening
Rosa Parks Signature.svg

Kortliks na die busboikot het Parks na Detroit verhuis, waar sy vir eers soortgelyke werk gekry het, en haar uiteindelik gevestig het in 'n beroep as ontvangsdame vir die Amerikaanse kongreslid John Conyers. Na haar aftrede het sy 'n outobiografie geskryf en in haar laaste jare aan demensie gely. Na haar dood is sy met al die plegtighede van 'n staatsbegrafnis geëer.