Rosalyn Scott
Rosalyn P. Scott (gebore 1950) is 'n Afro-Amerikaanse torakale chirurg wat veral bekend is vir haar werk in die onderwys. Sy is die eerste vroulike Afro-Amerikaanse torakale chirurg.[1]
Vroeë lewe en opvoeding wysig
Scott is in Newark, New Jersey gebore en getoë, die dogter van 'n tandarts en 'n huisvrou. Haar pa se tandheelkundige praktyk het daartoe gelei dat Scott vroeg blootgestel is aan die mediese wetenskappe, deurdat sy op Saterdagoggende daar gehelp het. Sy het by Rensselaer Polytechnic Instituut in 1970 'n B.A. graad in chemie verwerf. Sy aan die New York Universiteit se Skool vir Geneeskunde verder gestudeer, waar sy in 1974 gegradueer het, en daarna haar huisdoktersjare in New York Stad voltooi het. Scott het by Boston Universiteit Mediese Sentrum in 1977 in torakale chirurgie gespesialiseer, en verder gespesialiseer in kardiologie. Daardeur het sy die eerste Afro-Amerikaanse vrou geword om 'n residensie in kardiotorakale chirurgie te begin.[2] Sy het haar opleiding in kardiovaskulêre chirurgie as 'n genoot by die Texas Heart Institute voortgesit, en haar opleiding in 1980 voltooi.
Loopbaan wysig
Na die voltooiing van haar nagraadse studies, het Scott 'n assistent-professor aan die Universiteit van Texas se Mediese Skool geword, waar sy tot 1983 gebly het. Daarna het sy 'n professor geword; eers by die Charles R Drew Universiteit van Medisyne en Wetenskap en toe die Universiteit van Kalifornië, Los Angeles. Haar navorsing het gehandel oor ongelykhede wat pasiënte met kardiovaskulêre siekte en longkanker betref, en die invloed van werkstres op chirurge. In 1987 het sy UCLA verlaat, en in 2007, het sy Drew verlaat om by Wright State Universiteit aan te sluit.[3][4]
Deur Scott se hele loopbaan was sy 'n baanbreker vir Afro-Amerikaanse vroue in haar veld. Sowel as haar status as die eerste Afro-Amerikaanse torakale chirurg, was sy ook die eerste Afro-Amerikaanse vrou wat tot die Society of University Surgeons toegelaat is. Sy was mede-stigter van twee organisasies wat chirurge ondersteun en studente aanmoedig om hulle teen diskriminasie sterk te maak: die Society of Black Academic Surgeons, in 1986 gestig, en die Association of Black Cardiovascular and Thoracic Surgeons, in 1999 gestig.
Toekennings en eerbewyse wysig
- Maria E. Fraley Fellowship, Texas Hart Instituut (1980)
- Stigtingslid, Vereniging van Swart Akademiese Chirurge (1986)
- Lid van die Society of University Surgeons (1995)
- Stigtingslid van die Vereniging van Swart Kardiovaskulêre en Torakale Chirurge (1999)
- President van Women in Thoracic Surgery (Vroue in die Torakale Chirurgie)
- Stigtingslid van Claude H. Organ, Jr. Surgical Society
- Lid van die American College of Surgeons
- Lid van die National Medical Association
Verwysings wysig
- ↑ "Changing the Face of Medicine | Dr. Rosalyn P. Scott". www.nlm.nih.gov. Besoek op 8 Maart 2016.
- ↑ "A Pioneering Cardiothoracic Surgeon" (PDF). NYU Physician. New York University. 2010. Geargiveer vanaf die oorspronklike (PDF) op 19 Maart 2016. Besoek op 15 Maart 2016.
- ↑ "Rosalyn P. Scott, M.D., M.S.H.A – Opening Doors: Contemporary African American Academic Surgeons". www.nlm.nih.gov (in Engels). Geargiveer vanaf die oorspronklike op 12 April 2020. Besoek op 8 Maart 2016.
- ↑ "Rosalyn P Scott | people.wright.edu | Wright State University". people.wright.edu. Geargiveer vanaf die oorspronklike op 8 Maart 2016. Besoek op 8 Maart 2016.