Rova van Antananarivo

Die Rova van Antananarivo (Malgassies: Rovan'i Manjakamiadana) is ’n koninklike paleiskompleks in Antananarivo, Madagaskar, wat in die 17de en 18de eeu gedien het as woning van die heersers van die Koninkryk Imerina op die sentrale plato van die land en in die 19de eeu van die Koninkryk Madagaskar. Dit staan op die hoogste punt van Analamanga, voorheen die hoogste van Antananarivo se baie heuwels. Die Merina-koning Andrianjaka, wat omstreeks 1610 tot 1630 oor Imerina regeer het, het Analamanga vermoedelik van ’n Vazimba-koning verower en die eerste gefortifiseerde koninklike gebou daar opgerig. Opeenvolgende Merina-konings het van hier af regeer tot met die val van die koninkryk in 1896. Dit is verskeie kere gerestoureer en verander, en koninklike geboue is voortdurend by die kompleks gevoeg.

Rova van Antananarivo
Die Rova in Maart 2004. Die verwoesting van die kompleks, buiten die kapel (regs) en die buitedeel van Manjakamiadana (middel), kan gesien word.
Die Rova in Maart 2004. Die verwoesting van die kompleks, buiten die kapel (regs) en die buitedeel van Manjakamiadana (middel), kan gesien word.
Ligging Antananarivo, Vlag van Madagaskar Madagaskar
Tipe gebou Paleiskompleks
Gebou c. 1610-1625
Gebruik Vroeë 17de eeu tot 1897
Bewoners Heersers van die Koninkryk Merina