Rudolf Buchbinder
Rudolf Buchbinder (gebore 1 Desember 1946, Litoměřice, Tsjeggo-Slowakye) is 'n Oostenrykse pianis.
.jpg)
Biografie wysig
Buchbinder het onder Bruno Seidlhofer aan die Weense Musiekakademie gestudeer. In 1965 het hy 'n toer deur Noord- en Suid-Amerika onderneem. In 1966 het hy 'n spesiale prys gewen tydens die Van Cliburn Internasionale Klavierkompetisie. Daarna het hy saam met die Weense Filharmoniese Orkes getoer en as solis regoor die wêreld verskyn.
Hy het ook klavier aan die Basel Akademie vir Musiek gegee.
Vir die Teldec-plaatetiket het hy die volledige klaviermusiek van Joseph Haydn opgeneem, Mozart se hoofwerke vir klavier, Beethoven se volledige klaviersonates en variasies,[1] en Brahms se twee klavierconcertos saam met Harnoncourt en die Koninklike Concertgebouw orkes van Amsterdam. Hy het saam met János Starker onvergeetlike uitvoerings van Beethoven en Brahms se werke vir tjello en klavier opgeneem. Hy het twee keer die Beethoven-klavierconcertos vanaf die klavier gedirigeer en opgeneem, eers met die Weense Simfonieorkes vir die Preiser-plaatetiket in 2007, en hierna met die Weense Filharmoniese Orkes vir die Sony-plaatetiket in 2011; hierdie siklus is regstreeks in konsert opgeneem en op beide CD en DVD vrygestel.[2]
He is een van slegs enkele pianiste wat die volledige Deel II van Vaterländischer Künstlerverein opgeneem het. Die werk bestaan uit 50 variasies deur 50 verskillende komponiste op 'n wals deur Anton Diabelli.[3] Hy het ook Beethoven se Diabelli Variasies opgeneem, wat Deel I uitmaak van die eersgenoemde werk. Hy is 'n meesterlike vertolker van Mozart se klavierconcertos en klaviersonates. Mozart se musiek maak die hoofdeel uit van sy repertorium.[4]
Buchbinder is sedert 2007 die artistieke direkteur van die Grafenegg Fees.[5]
Pryse en toekennings wysig
- 1961: Eersteprys tydens die Internasionale Kompetisie in München in die afdeling "Klaviertrio"
- 1962: Lipatti Medalje[6]
- 1966: Spesiale prys tydens die Van Cliburn Internasionale Klavierkompetisie
- 1970: Mozartinterpretationspreis van die Oostenrykse Minister vir Opvoeding en die Kunste
- 1977: Grand Prix du Disque vir die volledige klavierwerke van Joseph Haydn[6]
- 1989: Oostenrykse Erekruis vir Wetenskap en Kuns[7][6]
- 1992: Honorêre lid van die Weense Simfonieorkes
- 1994: Honorêre lid van die Karintiese Somer
- 1995: Oostenrykse Erekruis vir Wetenskap en Kuns, 1ste klas[8]
- 1996: Groot Verdienstelikheid van die Provinsie van Salzburg
- 1996: Groot Goue dekorasie van Karintië
- 1996: Anton-Bruckner-Ring van die Weense Simfonieorkes[9]
- 1996: Goue medalje vir Dienste aan Wene[6]
- 1999: Groot Goue Dekorasie van Benede-Oostenryk
- 2003: Groot Goue Dekorasie vir Dienste aan die Republiek van Oostenryk[10][6]
- 2004: Goue Medalje van Salzburg
- 2007: Goue Medalje van die Oostenrykse hoofstad Wene[6]
- 2008: Honorêre Lid van die Genootskap van Vriende vir Musiek in Wene[6]
- 2010: Toerisme-toekenning van die Staat van Benede-Oostenryk vir sy werk in musiektoerisme Grafenegg
- 2011: Gloria Artis, Medalje vir Verdienstelikheid aan Kultuur[11][6]
- 2012: Echo Klassik in Duitse musiek-toekenning as Instrumentalis van die Jaar (klavier) en vir die album Beethoven: The Sonata Legacy, uitgereik deur RCA Red Seal/Sony
- 2016: Honorêre Lid van die Weense Filharmoniese Orkes[12]
- 2017: Wene Mozart-prys[13]
Verwysings wysig
- ↑ Molleson, Kate (6 Augustus 2015). "Rudolf Buchbinder: 'Musical freedom was fantastisch! We are too strict today'". The Guardian. Londen. Besoek op 27 September 2020.
- ↑ Robert Cummings, Review by www.classical.net, http://www.classical.net/music/recs/reviews/u/utc08904blua.php
- ↑ Tanja Dorn.com Geargiveer 16 Januarie 2009 op Wayback Machine
- ↑ Jean-Pierre Thiollet, 88 notes pour piano solo, Neva Editions, 2015, p.141. ISBN 978-2-3505-5192-0
- ↑ "Biografie Rudolf Buchbinder". Osterfestspiele Salzburg (in Duits). Besoek op 28 September 2020.
- ↑ 6,0 6,1 6,2 6,3 6,4 6,5 6,6 6,7 Austria-Forum. "Buchbinder, Rudolf". Austria-Forum (in Duits). Besoek op 28 September 2020.
- ↑ "Reply to a parliamentary question" (PDF) (in Duits). p. 840. Besoek op 14 Januarie 2013.
- ↑ "Reply to a parliamentary question" (PDF) (in Duits). p. 980. Besoek op 14 Januarie 2013.
- ↑ "Anton-Bruckner-Ring". Wien Geschichte Wiki (in Duits). 28 September 2020. Besoek op 28 September 2020.
- ↑ "Reply to a parliamentary question" (PDF) (in Duits). p. 1528. Besoek op 14 Januarie 2013.
- ↑ "Gloria Artis dla Rudolfa Buchbindera i Elżbiety Pendereckiej" (in Pools). Ministerstwo Kultury i Dziedzictwa Narodowego. 19 April 2011. Besoek op 11 November 2013.
- ↑ "Wiener Philharmoniker > Homepage > Orchester > Philharmonisches Tagebuch". Vienna Philharmonic Orchestra (in Duits). 2016. Besoek op 28 September 2020.[dooie skakel]
- ↑ "Pianist Rudolf Buchbinder erhielt ersten Wiener Mozart Preis". Kleine Zeitung (in Duits). Vienna. 21 Junie 2017. Besoek op 27 September 2020.
Bronne wysig
- Slonimsky, Nicolas; Kuhn, Laura Diane; McIntire, Dennis (1997). Baker's Biographical Dictionary of Twentieth-Century Classical Musicians. New York: Schirmer Books. ISBN 978-0-02-871271-0.