Russian River (Kalifornië)

Die Russian River (Russiese spelling en uitspraak: Рашен-Ривер Rašen-River) is 'n rivier in die Amerikaanse deelstaat Kalifornië wat suidwaarts vloei en 'n gebied met 'n oppervlakte van 1 485 vierkante myl (3 850 km²) in die administratiewe distrikte Sonoma County en Mendocino County dreineer. Met 'n gemiddelde afloop van 64 m³/s (jaarliks sowat twee kubieke kilometer) is dit die tweede grootste rivier (na die Sacramento) wat deur die Groter San Franciscobaaigebied (met nege distrikte) vloei.

Russian River
Monding van die Russian River, noord van Bodegabaai, Kalifornië
Monding van die Russian River, noord van Bodegabaai, Kalifornië
Russianrivermap.png

Die stroomgebied van die Russian River.

Oorsprong Laughlin Range, Willits, Kalifornië (Verenigde State)
Monding Jenner, Kalifornië
Stille Oseaan
Stroomgebied Kalifornië, Verenigde State
Lengte 180 km (110 myl)[1]
Oorspronghoogte 600 m (1 960 voet)
Mondinghoogte 0 m
Gemiddelde afloop 64 m³/s (2 261 vt³/s)[2]
Stroomgebiedopp. 3 850 km² (1 485 myl²)[1]
'n Rustige groen veld langs die Russian River
Die Russian River mond in die Sonomakus-staatspark in die Stille Oseaan uit
Fort Ross was die spilpunt van die Russies-Amerikaanse Kompanjie se mees suidelike handelspos en nedersetting in Noord-Amerika wat sy bloeitydperk tussen 1812 en 1842 beleef het. Die Russies-Ortodokse kapel is as gevolg van die groot San Francisco-aardbewing van 1906 vernietig en in 1970 herbou. Hierdie gebou is ook deur 'n brand vernietig. Die huidige kapel dateer uit 1973.
Die naam Russian River waarborg Kaliforniese wyn van hoë gehalte. Hier word Pinot Noir saam met braaihoender geniet.
'n Artikel oor die Russian River as bestemming vir motoruitstappies is in die Julie 1915-uitgawe van die Amerikaanse tydskrif Motoring Magazine gepubliseer

Die Russian River-streek is tans 'n gewilde ontspanningsgebied vir stadsbewoners uit die metropolitaanse gebiede van San Francisco en Sacramento.[3]

GeskiedenisWysig

Die Russian River-gebied het 'n lang geskiedenis wat met belangrike historiese gebeure in Kalifornië verbind word. Die riviergebied is oorspronklik deur Kashaya- en Pomo-Indiane bewoon. Dit was nogtans Russiese ontdekkingsreisigers aan wie die rivier sy naam te danke het. In die vroeë 19de eeu is die rivier en sy omgewing deur Iwan Aleksandrowitsj Koeskof in opdrag van die Sint Petersburgse Russies-Amerikaanse Kompanjie (RAK) verken.

Koeskof het destyds die Russiese koloniale nedersetting Fort Ross net noordwes van die riviermonding gestig en sy eerste administrateur geword. Fort Ross is deur die RAK (net soos Kaapstad deur die Verenigde Oos-Indiese Kompanjie) as 'n permanente verversingstasie beplan wat setlaars in Russies-Alaska van vars groente sou voorsien nadat sommige van hulle aan skeurbuik beswyk het of deur die siekte gestrem gelaat is.

Russiese pelsjagters en setlaars het na die rivier verwys as Slavjanka of "Klein meisie". Groter getalle setlaars het hulle egter eers teen die middel van die 19de eeu in die streek gevestig nadat die Kaliforniese goudstormloop skare fortuinsoekers na die Weskus laat stroom het.

Vanaf die 1870's het die gebied 'n gewilde vakansiebestemming geword wat danksy nuwe spoorverbindings maklik deur stadsbewoners bereik kon word. In die vroeë 1870's is ook die eerste saagmeul in Duncan Mills gevestig, 'n klein nedersetting wat na die meul se eienaars, Alexander en Samuel Duncan genoem is. Die Duncan-broers het die plaaslike redwood-bosse tot in die 1890's ontgin en hout vir die bou van San Francisco se Victoriaanse woonhuise per boot na die Golden Gate-metropool vervoer.[4]

VerwysingsWysig

  1. 1,0 1,1 "Water Supply" (in Engels). Sonoma County Water Agency. Geargiveer vanaf die oorspronklike op 2 November 2018. Besoek op 14 Februarie 2010.
  2. "USGS Gage #11467000 on the Russian River near Guerneville, CA" (PDF). National Water Information System (in Engels). U.S. Geological Survey. Geargiveer (PDF) vanaf die oorspronklike op 19 Augustus 2018. Besoek op 28 April 2011.
  3. Russianriver.com: About the Russian River. Besoek op 3 Maart 2020
  4. Sonoma County: Highlights of the Rivers and Redwoods – West County Tour Itinerary. Besoek op 22 Mei 2020

Eksterne skakelsWysig

Toerisme

Kashaya en Pomo